1. Samueloskro 25:13 - Le Devleskero Lav Andre Romaňi Čhib Slovensko 2021

¹³ Androda o David phenďa: „Akana dojekh tumendar mi phandel pašal peste e šabľa.“ Avke peske savoredžene a the o David phandle o šabľi. Džanas leha štar šel (400) murša a duj šel (200) ačhile paš o veci.

1. Samueloskro 25:13 ပူးပေါင်းရင်းမြစ်များ

2. Samueloskro 15:18

Savore leskre uradňika, savore Kereťana, Pileťana the šov šel (600) murša, save avle ke leste andral o Gat, predžanas pašal o David.

Prislovja 14:29

O manuš, savo na choľisaľol sig, hino igen goďaver, no oda, ko sig choľisaľol, sikavel peskro diliňipen.

Prislovja 16:32

Feder hin te avel poloko andre choľi, sar te el hrďinas, feder hin oda, ko pes zľikerel, sar oda, ko domarel o foros.

Prislovja 19:11

E goďi del le manušes o zľikeriben andre choľi; te tuke na keres ňič olestar, sar tuke dophenen, hin oda pre tiri pačiv.

Prislovja 19:2

Nane mištes, te kames te kerel o lačho, ale nane tut o prindžaripen; ko siďarel, našavel o drom.

Prislovja 20:22

Ma phen: „Dava pale vaš o nalačhipen!“ Muk tut pro RAJ a rušela vaš tu.

Prislovja 25:8

ma siďar te del andre pro sudos. So paľis kereha, te tut aver dženo anela andre ladž?

Jozua 9:14

O izraelika murša ile lengre chabenestar, ale le RAJESTAR pes pal ada na phučle.

1. Samueloskro 22:2

Pridine pes ke leste the savore, kas sas varesavo pharipen, abo kamenas varekaske love, abo kas sas dukh andro jilo. Sas leha pal o štar šel (400) murša, savenge ačhiľa vodcas.

1. Samueloskro 23:13

Paľis o David peskre šov šel (600) muršenca odgele andral e Keila a phirenas than thanestar. Sar le Sauloske phende, hoj o David geľa het andral e Keila, o Saul ode na geľa.

1. Samueloskro 25:12

Avke pes o murša visarde pale ko David a phende leske savoro, so phenďa o Nabal.

1. Samueloskro 27:2

Avke o David geľa peskre šov šel (600) muršenca ko Gatsko kraľis Achiš, ko čhavo le Maochoskro.