1. Samueloskro 21:10 - Le Devleskero Lav Andre Romaňi Čhib Slovensko 2021

¹⁰ O rašaj leske odphenďa: „Hin ade ča e šabľa le Filišťincoskri le Golijašiskri, saves murdarďal andre dolina Ela. Hiňi zapačarďi andro plašťos pal o efodos. Te kames, le tuke la, bo aver ade nane.“ „De mange la!“ phenďa leske o David. „Feder latar imar aňi nane.“

1. Samueloskro 21:10 ပူးပေါင်းရင်းမြစ်များ

1. Kraľengro 19:3

Sar oda šunďa o Eliaš, daralas pes pal peskro dživipen, iľa peskre sluhas a denašľa andre judsko Beer-Šeba. Ode mukľa peskre sluhas.

Žalmi 56:1

Oleske, ko ľidžal o bašaviben. Kavke te giľavel: „E holubica dural.“ O michtam le Davidoskro, sar les o Filišťinci chudle andro Gat.

Jeremijaš 26:21

Leskre lava šunďa o kraľis Jojakim, savore leskre uradňika the raja. O kraľis les kamelas te murdarel, ale sar pes pal oda o Urijah došunďa, denašľa daratar andro Egipt.

1. Samueloskro 17:2

The o Saul pes zgeľa le Izraelitenca, kerde peske taboris andre dolina Ela a rozačhade pes pro mariben pro Filišťinci.

1. Samueloskro 17:51

Paľis o David denašľa ko Golijaš a ačhiľa upral leste. Cirdňa leske avri e šabľa andral o sirimos, murdarďa les a odčhinďa leske o šero. Sar o Filišťinci dikhle, hoj lengro nekzoraleder murš muľa, chudle te denašel het.

1. Samueloskro 22:10

O Achimelech mangelas le RAJES vaš o David a diňa les chaben the e šabľa le Golijašiskri.“