1. Samueloskro 17:24 - Le Devleskero Lav Andre Romaňi Čhib Slovensko 2021

²⁴ Sar savore Izraeliti dikhle ole muršes, chudle lestar te denašel, bo igen daranas.

1. Samueloskro 17:24 ပူးပေါင်းရင်းမြစ်များ

Izajaš 30:17

Ezeros tumendar denašena daratar jekhe dženestar a pandže dženendar denašena savoredžene, medik na avena omukle sar o slupos upre pro verchos, sar e zastava pro brehos.“

Izajaš 7:2

Sar avle te phenel le Achazoske le judske kraľiske: „O Aramejčana zaile o Efrajim,“ akor avke predaranďiľa leskro jilo the o jile leskre manušengre, sar o stromi razisaľon la balvajatar.

3. Mojžišoskro 26:36

Olenge, ko tumendar ačhena te dživel andre phuv le ňeprijaťeľengri, anava e dar andro jile. Mekča šunena, hoj e balvajori phurdel pre prajta, imar denašena. Denašena, sar te denašľanas andral o mariben, a perena, kajte pre tumende ňiko na džala.

4. Mojžišoskro 13:33

Dikhľam ode the obren a maškar lende the le Anakoskre potomken. Amen pes šunahas maškar lende ciknore sar o maľakre grajora a avke the lenge amen dičhuvahas avri.“

5. Mojžišoskro 32:30

Sar šaj džal jekh ňeprijaťelsko slugaďis pro ezeros le Izraeloskre? Abo sar šaj zatraden duj džene lendar amare deš ezeren? Ča te len omukľahas lengri Skala a o RAJ len diňahas andre lengre vasta.

1. Samueloskro 17:11

Sar o Saul the savore Izraeliti šunde, so phenďa o Golijaš, predaranďile a izdranas daratar.

1. Samueloskro 17:23

Medik lenca vakerelas, avľa avri le Filišťincendar o Golijaš, lengro angluno slugaďis andral o Gat, a pale pre lende viskinelas avke sar angloda. O David oda šunďa.

1. Samueloskro 17:25

Varesavo Izraelitas phenďa: „Dikhľan ole muršes, savo avľa avri? Kerel oda vašoda, hoj te anel pre ladž le Izraeliten. O kraľis dela baro daros oles, ko les murdarela. Dela leske peskra čha romňake a leskri famelija na mušinela imar te počinel o daňe.“