1. Samueloskro 14:42 - Le Devleskero Lav Andre Romaňi Čhib Slovensko 2021

⁴² O Saul phenďa: „Čhiven o losos maškar mande the miro čhavo Jonatan.“ A o losos sikaďa pro Jonatan.

1. Samueloskro 14:42 ပူးပေါင်းရင်းမြစ်များ

Prislovja 16:33

O manuša roden prekal o losos so te kerel, ale o RAJ phenel, so pes ačhela.

Prislovja 18:18

O losos zaačhavel e vika a maškar o zorale manuša anel o smirom.

Jonaš 1:7

Akor o namorňika peske phende: „Aven, čhivas o losi a dodžanaha pes, ko hin oda, angle kaste pes ačhiľa kada nalačhipen.“ Avke čhide o losi a o losos peľa pro Jonaš.

Jozua 7:18

Sar phenďa, hoj te aven o murša andral leskri famelija, o losos sikaďa pro Achan. Ov sas le Karmioskro čhavo, leskro dad o Zabdi a leskro dad o Zerach andral o kmeňos Juda.

1. Samueloskro 14:41

Akor pes o Saul modľinelas ko RAJ: „Ó, Devla le Izraeloskro, soske adadžives na odphenďal tire služobňikoske? Te hin o binos andre mande abo andre miro čhavo Jonatan, de amenge oda te džanel pro Urim, ale te kerde binos o murša le Izraeloskre, de amenge te džanel pro Tumim.“ O losos sikaďa pro Jonatan the pro Saul, hoj on kerde binos a na o manuša.

1. Samueloskro 14:43

Akor phučľa o Saul le Jonatanostar: „Phen mange, so kerďal?“ Pre oda leske o Jonatan odphenďa: „Ča la pacakre agoreha, so chudavas andro vast, koštoľinďom sikra medos. Som pripravimen te merel.“