1. Samueloskro 14:41 - Le Devleskero Lav Andre Romaňi Čhib Slovensko 2021

⁴¹ Akor pes o Saul modľinelas ko RAJ: „Ó, Devla le Izraeloskro, soske adadžives na odphenďal tire služobňikoske? Te hin o binos andre mande abo andre miro čhavo Jonatan, de amenge oda te džanel pro Urim, ale te kerde binos o murša le Izraeloskre, de amenge te džanel pro Tumim.“ O losos sikaďa pro Jonatan the pro Saul, hoj on kerde binos a na o manuša.

1. Samueloskro 14:41 ပူးပေါင်းရင်းမြစ်များ

Prislovja 16:33

O manuša roden prekal o losos so te kerel, ale o RAJ phenel, so pes ačhela.

Prislovja 18:18

O losos zaačhavel e vika a maškar o zorale manuša anel o smirom.

Jonaš 1:7

Akor o namorňika peske phende: „Aven, čhivas o losi a dodžanaha pes, ko hin oda, angle kaste pes ačhiľa kada nalačhipen.“ Avke čhide o losi a o losos peľa pro Jonaš.

Skutki 1:24

Paľis pes kavke modľinenas: „Rajeja, tu prindžares o jile savore manušengre, tu amenge sikav, saves kale dujendar tuke kidňal avri,

Skutki 1:26

Avke len dine losi a o losos peľa pro Maťej, savo sas imar rachimen paš o dešujekh (11) apoštola.

1. Samueloskro 14:40

O Saul phenďa cale Izraeloske: „Ačhaven tumen pre jekh sera a me the miro čhavo o Jonatan ačhaha pre dujto sera.“ „Ker avke, sar nekfeder džanes,“ odphende o manuša le Sauloske.

1. Samueloskro 14:42

O Saul phenďa: „Čhiven o losos maškar mande the miro čhavo Jonatan.“ A o losos sikaďa pro Jonatan.