1. Samueloskro 14:24 - Le Devleskero Lav Andre Romaňi Čhib Slovensko 2021

²⁴ Kajte o Izraeliti andre oda džives imar na birinenas, o Saul pre lende thoďa kajsi vera: „Prekošlo ela sako, ko chala vareso dži rači sigeder, sar man pomsťinava mire ňeprijaťeľenge!“ Avke ňiko pes le chabenestar aňi na chudňa.

1. Samueloskro 14:24 ပူးပေါင်းရင်းမြစ်များ

Žalmi 18:47

O RAJ dživel! E chvala mi džal mira Skalake! Av barardo, Devla miro, Spasiťeľina miro!

Prislovja 11:9

O bijedevleskro šaj zňičinel avres peskre lavenca, ale o čačipnaskre ena zachraňimen peskre achaľuvipnaha.

3. Mojžišoskro 27:29

Ňisavo manuš, savo hin oddino imar pro furt, pes našťi cinel avri; mušinel te merel.

3. Mojžišoskro 5:4

Abo te vareko lela vera nagoďaha, hoj kerela vareso lačho abo nalačho, pre savoreste, soha pes o manuš phandela andre la veraha, kajte na džanelas, hoj pes oda na kerel, ale paľis pes pal oda dodžanela, hin les vina.

4. Mojžišoskro 21:2

Akor o Izraeliti dine lav le RAJES: „Te amenge deha andro vasta kale nipen, paľis calkom zňičinaha lengre fori.“

4. Mojžišoskro 5:21

akor o RAJ thovel pre tu o prekošiben. Ačheha prekošľi le RAJESTAR maškar tire manuša, ov domukela, hoj tuke o per te šuvľol, andral te šučos avri a te na ačhes khabňi, a kada prekošibnaskro paňi tuke predžala pre dojekh andruno kotor.“ Paľis odi džuvľi phenela: „Mištes, mi ačhel pes avke.“

Rimanenge 10:2

Šaj phenav, hoj labon pal o Del, ale nane len spravno prindžaripen.

1. Korinťanenge 16:22

Te vareko na kamel le Rajes, mi el prekošlo! Maranatha! Av, Rajeja amaro!

Jozua 6:26

Andre oda časos o Jozua phandľa le manušen kala veraha: „Prekošlo mi el anglo RAJ oda, ko chudela pale te ačhavel kada foros Jericho! O zaklados thovela vaš o dživipen peskre ešebne čhaskro a o brani ačhavela vaš o dživipen peskre nekternedere čhaskro.“

Sudcengro 1:28

Sar o Izraeliti ačhile zoraleder, ispidle zoraha pro Kanaančana, hoj prekal lende te keren buči, ale našťi len savoren tradle avri.

Sudcengro 5:2

„Lašaren le RAJES, bo o vodci chudle te ľidžal o Izrael andro mariben a o manuša pes pridine korkore pestar!

1. Samueloskro 14:25

Savore murša gele andro veš a ode všadzik sas o medos.

1. Samueloskro 14:39

Avke sar dživel o RAJ, o zachrancas le lzraeloskro, kajte oda hin miro čhavo o Jonatan, mušinela te merel.“ Ale ňiko leske pre ada na phenďa ňič.

1. Samueloskro 18:25

Androda o Saul phenďa: „Džan ko David a phenen leske: ‚O kraľis na kamel ňisave dari, ale kamel šel (100) anglune cipi le Filišťincengre muršikane kotorendar, hoj pes aleha te pomsťinel peskre ňeprijaťeľenge.‘ “ O Saul kamľa, hoj o David te merel le filišťiňike vastendar.