1. Samueloskro 14:15 - Le Devleskero Lav Andre Romaňi Čhib Slovensko 2021

¹⁵ Andro taboris, pre maľa the všadzik maškar o manuša avľa bari dar. Predaranďile the o slugaďa the ola, so gele te občorarel o gava, a the e phuv razisaľiľa. Kada savoro kerďa o Del.

1. Samueloskro 14:15 ပူးပေါင်းရင်းမြစ်များ

1. Mojžišoskro 35:5

Sar džanas avri andral oda foros, avľa pre ola manuša ole forendar ajsi bari dar le Devlestar, hoj na kerde ňič le Jakoboskra famelijake.

2. Samueloskro 5:24

Sar šuneha o kroki upre pro balzamika stromi, takoj tut muk pro mariben, bo akor džava me anglal tu te domarel le filišťiňike slugaďen.“

O Job 18:11

Pal dojekh sera pre leste avel e dar, džal pal leste pre dojekh krokos.

Žalmi 14:5

No, jekhvar izdrana daratar, bo o Del pomožinel olenge, ko les šunen.

2. Mojžišoskro 19:18

Calo verchos Sinaj sas andro thuv, bo o RAJ avľa pre leste tele andre jag. O thuv andral leste džalas sar te andral o bov, a calo verchos igen izdralas.

Daniel 5:6

Akor o kraľis igen predaranďiľa a daratar parňiľa avri. Slabisaľile leske o pindre a izdranas tel leste o khoča.

Matuš 24:6

Sar šunena pal o maribena abo hoj pes maren o narodi, tumen ma predaran, bo oda mušinel te avel, ale mek na ela o koňec.

Jozua 2:9

a phenďa: „Me džanav, hoj o RAJ tumenge diňa kadi phuv. Savoredžene kade tumendar predaranďiľam a našaďam e odvaha.

Sudcengro 7:21

Dojekh lendar ačhiľa pre peskro than pašal o taboris. Avke andro taboris chudle savore te denašel viskišagoha.

1. Samueloskro 13:17

Andral o filišťiňiko taboris gele trin partiji murša, hoj te občoraren o gava. Jekh partija džalas ke Ofra andre phuv Šual,

1. Samueloskro 13:18

dujto džalas ko Bet-Choron a trito upre pro brehos, khatar dičhol e Cebojimiko dolina the e pušťa.

1. Samueloskro 13:23

O Filišťinci bičhade jekh partija muršen, hoj te stražinen o verchengro drom andro Michmas.

1. Samueloskro 14:14

Oda sas ešebno mariben le Jonatanoskro the leskre zbrojnošiskro. Medik pregele tranda (30) metri, murdarde biš (20) muršen.

1. Samueloskro 14:16

Le Sauloskre murša, save stražinenas andre benjamiňiko phuv Gibea, dikhle, sar o Filišťinci denašen upre tele sar bi e goďi.

1. Samueloskro 7:10

Akor, sar o Samuel anelas le RAJESKE e labarďi obeta, o Filišťinci pes mukle pro mariben pro Izraeliti. Ale andre oda džives o RAJ mukľa andral o ňebos pro Filišťinci te herminel o zorale hermišagi. On igen predaranďile a o Izraeliti len domarde.