1. Peter 3:10 - Le Devleskero Lav Andre Romaňi Čhib Slovensko 2021

¹⁰ Bo hin pisimen: „Oda, ko kamel, hoj les te avel bachtalo dživipen, a kamel te dikhel o lačhe dživesa, mi zľikerel peskri čhib le nalačhestar the peskre vušta, hoj te na vakerel o klamišagos,

1. Peter 3:10 ပူးပေါင်းရင်းမြစ်များ

O Job 2:4

O satan odphenďa: „E cipa vaš e cipa! O manuš dela savoro, so les hin, hoj peske te zachraňinel o dživipen.

O Job 33:28

Cinďa miri duša avri, hoj te na džal tele andro hrobos, a miro dživipen dikhela o švetlos!‘

O Job 9:25

Mire dživesa pregele sigeder sar o bežcos, denašle het a ňič lačho na dikhle.

Žalmi 106:5

hoj te dikhav o lačhipen tire avrikidle manušengro, hoj te radisaľuvav jekhetane tire narodoha, hoj te lašarav jekhetane tire manušenca.

Žalmi 27:13

Ale the avke pačav, hoj dikhava le RAJESKRO lačhipen, medik dživav.

Žalmi 49:19

Kajte pre peste phenel, medik dživel, hoj hino požehňimen – a o manuša les lašaren, hoj leske savoro avel avri –

Prislovja 3:18

O goďaveripen hin o stromos le dživipnaskro olenge, ko pes lestar chuden, a požehňimen hine, save pes lestar ľikeren.

Prislovja 3:2

Miro sikaviben tuke dothovela o berša ko dživipen a anela tuke o smirom.

Prislovja 4:22

Kala lava hine o dživipen olenge, ko len arakhen, a hine pro sasťipen cale lengre ťeloske.

Prislovja 8:35

Bo ko man arakhel, arakhel o dživipen a ela le RAJESKE pre dzeka.

Kazaťeľis 2:3

Skušinďom savoro a kamavas te arakhel o radišagos mire ťeloske andre mol. No diňom man te ľidžal le goďaveripnaha, bo kamavas te avel pre oda, so hin lačho le manušenge, hoj te keren andre ola frima dživesa, so dživen pre phuv.

Matuš 19:17

Ov leske phenďa: „Soske mandar phučes pal o lačho? Jekh hino Lačho. A te kames te džal andro dživipen, doľiker o prikazaňja.“

Marek 8:35

Bo sako, ko kamel te zachraňinel peskro dživipen, našavela les, ale ko našavela peskro dživipen vaš ma the vaš o evaňjelium, zachraňinela peske les.

O Evaňjelium le Janoskro 1:47

Sar dikhľa o Ježiš, hoj o Natanael avel ke leste, phenďa: „Dikh, čačo Izraelitas, andre savo nane klamišagos.“

O Evaňjelium le Janoskro 12:25

Oda, ko rado dikhel peskro dživipen, našavela les, ale oda, ko na kamel peskro dživipen andre kada svetos, zachraňinela les pro večno dživipen.

5. Mojžišoskro 32:47

Kala lava nane ča ajse chocsave lava – hine tumaro dživipen! Te len šunena, dživena but andre odi phuv, so džan te zalel, sar predžana prekal o paňi Jordan.“

Jakob 1:26

Te peske vareko tumendar gondoľinel, hoj hino pobožno, a na zľikerel peske e čhib, klaminel korkoro pes a leskri pobožnosť hiňi zbitočno.

1. Peter 2:1

Vašoda odčhiven tumendar savori choľi, savore pľetki, dojekh klamišagos the zavisť a ma aven dujemujengre.

1. Peter 2:22

Ov šoha na kerďa binos, aňi o klamišagos šoha na sas andre leskro muj.

Zjaveňje 14:5

Andre lengro muj na sas arakhlo ňisavo klamišagos; on hine bi e škvrna.