1. Peter 1:23 - Le Devleskero Lav Andre Romaňi Čhib Slovensko 2021

²³ Se uľiľan mek jekhvar, na andral o semenos, so kirňol, ale andral o semenos, so na kirňol: andral o džido the večno lav le Devleskro.

1. Peter 1:23 ပူးပေါင်းရင်းမြစ်များ

Jeremijaš 23:28

O prorokos, savo džal suno, mi phenel, hoj oda hin ča suno. Ale oda, kas hin miro lav, mi vakerel miro lav čačipnaha. So hin jekhetane le zrnos le phuseha?“ phenel o RAJ.

3. Mojžišoskro 11:37

Te vareso ole zdochlinendar peľahas pro semena, so pes sadzinen, ola semena ačhena žuže.

Malachijaš 2:3

Marava tumare čhaven a čhivava tumenge e khandiňi khoňi andro muja, e khoňi tumare inepengre obetendar, a čhivena tumen avri jekhetane la khoňaha.

Matuš 24:35

O ňebos the e phuv našľona, ale mire lava šoha na našľona.“

Лукастар 8:11

O podobenstvo sikavel pre kada: O semenos hin o lav le Devleskro.

O Evaňjelium le Janoskro 1:13

save na uľile le ratestar aňi olestar, so kamelas o ťelos, vaj o murš – ale le Devlestar.

O Evaňjelium le Janoskro 1:3

Savoro sas stvorimen prekal leste a bijal leste na sas stvorimen ňič olestar, so hin stvorimen.

O Evaňjelium le Janoskro 3:3

O Ježiš leske odphenďa: „Čačes, čačes phenav tuke: Oda, ko na uľola pale, našťi dikhel o kraľišagos le Devleskro.“

O Evaňjelium le Janoskro 3:5

O Ježiš odphenďa: „Čačes, čačes phenav tuke, te vareko na uľola andral o paňi the andral o Duchos, našťi džal andro kraľišagos le Devleskro.

O Evaňjelium le Janoskro 6:63

O Duchos hin, so obdžiďarel; le manušeskri zor nane pre ňisoste. O lava, so tumenge me vakerďom, hine Duchos the dživipen.

Rimanenge 1:23

Na te lašardehas le Devles, savo šoha na merel, ale lašaren o obraza, so maren pro manuš, savo na dživel furt, abo lašaren le čiriklen, le chocsave džviren, abo le sapen.

Židenge 4:12

Bo o Lav le Devleskro hino džido the zoralo, ostreder sar e šabľa, so čhinel pal soduj seri. Predžal dži ode, kaj pes rozďelinel e duša le duchostar a o klubi le špikendar, a sikavel oda, so peske gondoľinas andro jilo a so kamas.

Jakob 1:18

Peskra voľatar amen diňa o dživipen prekal o čačipnaskro lav, hoj te avas ešebna savorestar, so kerďa!

1. Peter 1:25

ale o lav le Rajeskro ačhel pro furt.“ A oda hin oda lav, savo pes tumenge kazinelas sar evaňjelium.

1. Peter 1:3

Lašaras le Devles, savo hino o Dad amare Rajeskro le Ježišoskro Kristoskro! Bo andre peskri bari milosť amen diňa o nevo dživipen the e džiďi naďej, sar uštaďa le Ježiš Kristus andral o meriben,

1. Jan 3:9

Sako, ko uľiľa le Devlestar, na kerel o bini, bo leskro semenos ačhel andre leste, a aňi našťi kerel o bini, bo uľiľa le Devlestar.

1. Jan 5:18

Džanas, hoj ňiko, ko uľiľa le Devlestar, na kerel o bini, bo Oda, ko uľiľa le Devlestar, les chraňinel a o nalačho pes lestar na chudel.