1. Mojžišoskro 8:2 - Le Devleskero Lav Andre Romaňi Čhib Slovensko 2021

² O ňeboskre oblaki the o paňi telal e phuv pes phandle andre a preačhiľa te del o brišind andral o ňebos.

1. Mojžišoskro 8:2 ပူးပေါင်းရင်းမြစ်များ

1. Mojžišoskro 7:11

Ačhiľa pes pro dešueftato (17.) džives andro dujto čhon, sar sas le Noachoske šov šel (600) berš, hoj savore paňa telal e phuv demade avri a phundrade pes o ňeboskre oblaki.

1. Mojžišoskro 7:12

Avke chudňa te del o brišind pre phuv a delas saranda (40) dživesa the saranda rača.

1. Mojžišoskro 7:4

Mek efta dživesa a bičhavava pre phuv baro brišind, so ľikerela saranda (40) dživesa the saranda rača, a zňičinava pre phuv savoro džido, so stvorinďom.“

O Job 38:16

Či salas dži paš o prameňa le moroskre? Vaj phirehas pal e phuv andro oceanos?

O Job 38:37

Ko šaj zrachinel o chmari peskra goďaha? Ko šaj čhivel avri o paňa andral o ňeboskre džbani,

Prislovja 8:28

sar rozthovelas o chmari pro ňebos, sar phundraďa o prameňa, hoj te pherdžaren o bare paňa.

Jonaš 2:3

a phenďa: „Andral miro pharipen vičinavas pro RAJ a ov man šunďa avri; dži telal andral o svetos le mulengro pre tu vičinavas, hoj mange te pomožines, a tu šunďal miro hangos.

Matuš 8:9

Se the me som manuš tel e autorita avre manušeske a hin man autorita upral o slugaďa. A te phenava kaleske: ‚Dža!‘ – ta džala; a avreske: ‚Av!‘ – ta avela; a mire sluhaske: ‚Ker kada!‘ – ta ov kerela.“