1. Mojžišoskro 49:8 - Le Devleskero Lav Andre Romaňi Čhib Slovensko 2021

⁸ Juda, tut tire phrala lašarena. Chudeha tire ňeprijaťeľen tel e meň, o čhave tire dadeskre anglal tu banďona.

1. Mojžišoskro 49:8 ပူးပေါင်းရင်းမြစ်များ

1. Mojžišoskro 27:29

Mi služinen tuke o narodi a mi banďon anglal tu o kmeňi! Vladňin upral tire phrala a mi banďon anglal tu o čhave tira dakre! Mi el prekošlo oda, ko tut prekošela, a mi el požehňimen oda, ko tut žehňinela!“

1. Mojžišoskro 29:35

Paľis pale ačhiľa khabňi, uľiľa lake čhavoro a phenďa: „Akana imar lašarava le RAJES.“ A diňa leske nav Juda. Paľis la preačhiľa te el čhave.

1. Mojžišoskro 42:6

O Jozef sas spravcas upral o Egipt a ov bikenelas o zrnos savore manušenge pal caľi phuv. Sar avle ke leste leskre phrala, banďile anglal leste dži pre phuv.

1. Mojžišoskro 46:12

Le Judaskre čhave sas o Er, o Onan, o Šelah, o Perec the o Zerach. Ale o Er the o Onan mule andro Kanaan. Le Perec sas čhave o Checron the o Chamul.

2. Samueloskro 22:41

Tu keres, hoj mire ňeprijaťeľa te denašen mandar, a me zňičinďom olen, ko man našťi avri ačhenas.

2. Samueloskro 24:9

O Joab avľa a phenďa le Davidoske: „Andro Izrael hin 800 000 murša, a andre Judsko hin 500 000 murša, save pes džanen te marel.“

2. Samueloskro 5:3

Avke savore vodci andral o Izrael avle ko kraľis ko David andro Hebron. Ode lenca o David phandľa zmluva anglo RAJ a pomazinde les kraľiske upral o Izrael.

1. Kronicko 28:4

Ale o RAJ, o Del le Izraeloskro, peske iľa man andral caľi famelija avri kraľiske pro furt, bo savore kmeňendar peske o Del kidňa avri le Juda sar vodcas a savore famelijendar, mire dadeskra famelija the savore mire dadeskre čhavendar kidňa avri man vaš o kraľis upral calo Izrael.

1. Kronicko 5:2

No kajte andral o kmeňos Juda avľa baro vodcas a kajte sas nekzoraleder peskre phralendar, o pravos le ešebne čhaskro ačhiľa le Jozefoske.

2. Kronicko 14:8

O Zerach andral o Kuš geľa pre lende pro mariben la milionoskra armadaha le kmeňostar Juda the trin šel (300) maribnaskre verdanenca a dogeľa dži paš e Mareša.

2. Kronicko 15:9

Paľis o Asa vičinďa savore manušen andral e Judsko, Benjamin the le manušen andral o Efrajim, Menaše the Šimeon, save ode gele te bešel. Bo but Izraeliti pregele ko Asa, sar dikhle, hoj leha hino o RAJ, leskro Del.

2. Kronicko 17:2

Andre savore ohradzimen judska fori rozačhaďa slugaďen. Rozačhaďa partiji slugaďen the avrether andre Judsko the andro efrajimika fori, save domarďa leskro dad o Asa.

2. Kronicko 30:11

Ale varesave murša andral o kmeňi Ašer, Menaše the Zebulun pes pokorinde a avle andro Jeruzalem.

Žalmi 76:1

Oleske, ko ľidžal o bašaviben pro strunengro nastrojis. Le Asafoskro žalmos. E giľi.

Izajaš 9:7

O Raj phenďa o sudos pro Jakob a avela oda pro Izrael.

Ezechiel 21:29

Kada phenel o RAJ, o Adonaj: ‚Vašoda, hoj mange leperďan tumari vina oleha, hoj sako šaj dikhel tumari vzbura a tumare bini dičhol andre savoreste, so keren, vašoda tumen zalena andro zajaťje.

4. Mojžišoskro 10:14

O partiji andral o taboris le Judaskre kmeňostar džanas ešebna pal peskri zastava. Lengro vodcas sas o Nachšon, le Aminadaboskro čhavo.

4. Mojžišoskro 26:20

O potomki le Judaskre pal peskre fajti sas kala: le Šelostar, e famelija le Šeloskri; le Perecostar, e famelija le Perecoskri; le Zerachostar, e famelija le Zerachoskri.

4. Mojžišoskro 26:22

Savore zgende murša andral le Judaskro kmeňos sas 76 500.

5. Mojžišoskro 33:7

Pal o kmeňos Juda phenďa: „RAJEJA! Šun avri o mangipen le Judaskro, an les pale paš okla kmeňi. Zoraľar les andro mariben, RAJEJA, pomožin leske leskre ňeprijaťeľenca!“

Židenge 10:13

Akorestar užarel, medik leske na ena thode leskre ňeprijaťeľa tel o pindre.

Židenge 7:14

Se mištes džanas, hoj amaro Raj avel le Judaskre kmeňostar, no o Mojžiš šoha na phenďa, hoj o rašaj avela andral kada kmeňos.

Jozua 10:24

Sar ole kraľen ande ke leste, o Jozua vičinďa savore Izraeliten a le veľiťeľenge, save avle leha, phenďa: „Aven a uštaren le pindrenca pro meňa kale kraľenge!“ On avle a uštarde lenge pro meňa.

Jozua 15:20

Kada hin o ďeďictvos le Judaskre kmeňoskro pal lengre fameliji.

Zjaveňje 11:15

Eftato aňjelos zatrubinďa a pro ňebos šunďiľa o zorale hangi, save phenenas: „O kraľišagos le svetoskro ačhiľa o kraľišagos le Rajeskro the leskre Kristoskro a ela kraľis na veki vekov.“

Zjaveňje 5:5

Jekh le phurederendar mange phenďa: „Ma rov! Dikh, zviťazinďa o Ľevos andral o kmeňos le Judaskro, o Koreňis le Davidoskro, hoj te phundravel o zvitkos the leskre efta pečaťe.“

Sudcengro 20:18

O Izraeliti gele andro Betel te phučel le Devlestar: „Ko amendar džala ešebno pro mariben pro Benjaminčana?“ O RAJ lenge odphenďa: „Ešebno džala o Juda.“