1. Mojžišoskro 47:29 - Le Devleskero Lav Andre Romaňi Čhib Slovensko 2021

²⁹ Sar sas o Izrael anglo meriben, vičinďa peskre čhas le Jozef a phenďa leske: „Te arakhľom milosť andre tire jakha, thov tiro vast pre mire čanga a de man lav, hoj mange presikaveha kada jileskeriben the pačivaľiben. Ma parun man andro Egipt.

1. Mojžišoskro 47:29 ပူးပေါင်းရင်းမြစ်များ

1. Mojžišoskro 24:2

O Abraham phenďa peskre nekphuredere sluhaske, saveske diňa te ľidžal calo peskro barvaľipen: „Thov tiro vast pre mire čanga!

1. Mojžišoskro 24:49

Akana phenen, či kamen mire rajeske te presikavel o jileskeriben the e pačiv. Te na, ta phenen mange a visarava man pale.“

1. Mojžišoskro 27:2

O Izak leske phenďa: „Dikh, me som imar phuro a na džanav, kana šaj merav.

1. Mojžišoskro 3:19

Phares kereha buči a spocisaľoha, te kameha te chal, medik na džaha pale andre phuv, bo la phuvatar salas kerdo a andre phuv pale džaha.“

1. Mojžišoskro 47:9

O Jakob odphenďa le faraonoske: „Miro dživipnaskro drom ľikerel šel the tranda (130) berš. O dživipena mire dadengre ľikerenas buter a na sas ajse phare sar miro.“

1. Mojžišoskro 48:21

Paľis o Izrael phenďa le Jozefoske: „Dikh, me merava, ale o Del ela tumenca a anela tumen pale andro Kanaan, andre phuv tumare phure dadengri.

1. Mojžišoskro 50:12

O čhave paľis kerde avke, sar lenge phenďa o dad o Jakob.

1. Mojžišoskro 50:5

Miro dad man phandľa kala veraha: ‚Dikh, me merav, parun man andro hrobos, so mange kerďom andro Kanaan.‘ Domuk mange, hoj ode te džav te parunel mire dades. Paľis avava pale.“

2. Samueloskro 14:14

Bo jekhvar mušinas savore te merel, sam sar o paňi, so hino avričhordo pre phuv a so imar pes na del te skidel upre. Ale o Del na kamel te lel ňikaske o dživipen, ale kerel savoro, hoj te anel pale oles, ko hino lestar dur.

2. Samueloskro 2:32

Avke le Asahel preľigende andro Betlehem a parunde les andre le dadeskro hrobos. Paľis o Joab peskre muršenca džanas caľi rat a doavle andro Hebron, sar vidňisaľolas.

2. Samueloskro 7:12

Sar avela tiro časos a tu džaha paš tire phure dada, dava tut potomkos, savo avela tutar, a leskro kraľišagos zathovava zorales.

1. Kraľengro 2:1

Sar o David džanelas, hoj leskro meriben hino pašes, prikazinďa peskre čhaske le Šalamunoske kada:

O Job 14:14

Te varesavo manuš merel, či obdživela pale? Sako džives andre miri phari služba užarav, kana imar oda predžala!

O Job 30:23

Džanav, hoj man leha andro meriben, pre oda than, kaj pes zdžana savore džide.

O Job 7:1

„Či nane le manušes pre phuv phari buči? Či nane leskre dživesa sar o dživesa le robotňikoskre?

Žalmi 49:7

On pes muken pre peskro majetkos a presikaven pes but barvaľipnaha.

Žalmi 49:9

Bo e cena vaš o dživipen hiňi igen bari, o manuš šoha našťi počinel dos,

Žalmi 6:5

Av pale, RAJEJA, zachraňin miro dživipen! Le man avri tire bare kamibnaha.

Žalmi 89:48

Ma bister, savo charno hin miro dživipen! Savore manušen stvorinďal pre oda, hoj te meren.

5. Mojžišoskro 31:14

O RAJ phenďa le Mojžišoske: „Dikh, imar avel tiro časos te džal het pal kadi phuv. Vičin le Jozuas a aven andro Svetostankos, hoj les te ačhavav vodcaske.“ Avke o Mojžiš the o Jozua gele andro Svetostankos.

5. Mojžišoskro 31:16

O RAJ phenďa le Mojžišoske: „Tu mereha a džaha paš tire phure dada, ale kala manuša na ena pačivale a na doľikerena e zmluva, so lenca phandľom. Visarena pes mandar a lašarena le devlen andral odi phuv, kaj džan.

Židenge 11:22

Le pačabnaha o Jozef phenďa sigeder, sar merelas, hoj le Izraeloskre čhave džana avri andral o Egipt, a phenďa lenge so te keren leskre kokalenca.

Židenge 9:27

Avke sar hin dino le manušenge jekhvar te merel a paľis ela o sudos,

Jozua 2:14

O murša lake phende: „Das tut lav: Amare dživipena vaš tumare dživipena! Te na phenena ňikaske, soske kade avľam, doľikeraha oda lav a presikavaha tumenge o jileskeriben, sar amenge o RAJ dela kadi phuv.“

Jozua 23:14

Me imar maj merav – džav het pal kadi phuv. Gondoľinen cale tumare jileha the dušaha pal oda, hoj aňi jekh le lavendar, so tumenge diňa o RAJ, tumaro Del, na našľiľa. Savoro pes ačhiľa.

1. Samueloskro 26:10

A o David mek phenďa: „Avke sar dživel o RAJ, ča o RAJ ada šaj kerel. Či imar merela pro phuripen avke sar sako, abo džala andro mariben a ode merela.