1. Mojžišoskro 46:27 - Le Devleskero Lav Andre Romaňi Čhib Slovensko 2021

²⁷ Te zgenaha the le Jozefoskre duje čhaven, save leske uľile andro Egipt, avle ode le Jakoboskra famelijaha jekhetane eftavardeš (70) džene.

1. Mojžišoskro 46:27 ပူးပေါင်းရင်းမြစ်များ

1. Mojžišoskro 34:30

Paľis o Jakob phenďa le Šimeonoske the le Leviske: „Tumen man aleha anďan andre bibach, bo akana man o Kanaančana the o Perizeja andre kadi phuv našťi avri ačhena. Hin man ča frima manuša. Te pes sthovena jekhetane pre mande, zviťazinena upral ma a zňičinena man the olen, ko hine manca.“

2. Mojžišoskro 1:1

Kala hine o nava le Izraeloskre čhavengre, save avle le Jakoboha andro Egipt, sako avľa peskra famelijaha:

2. Mojžišoskro 1:5

Savore potomki le Jakoboskre sas eftavardeš (70). O Jozef sas imar andro Egipt.

2. Mojžišoskro 24:1

Paľis o RAJ le Mojžišoske phenďa: „Aven ke ma upre pro verchos tu, o Aron, o Nadab, o Abihu the o eftavardeš (70) izraelika vodci a dural tumen mange klaňinena a lašarena man.

Skutki 7:14

Avke len bičhaďa o Jozef, hoj te anen ke leste leskre dades le Jakob the caľi leskri famelija – eftavardeš the pandž (75) manušen.

5. Mojžišoskro 10:22

Sar tumare dada gele andro Egipt, sas eftavardeš (70) džene, ale akana tumendar o RAJ, tumaro Del, kerďa ajci but sar o čercheňa pro ňebos.“

5. Mojžišoskro 26:5

Paľis pheneha anglo RAJ: ‚Miro dad sas Aramejčanos, savo phirelas than thanestar a geľa andro Egipt frima manušenca. Ode dživelas sar cudzincos a pal o but berša lestar ačhiľa baro the zoralo narodos.