1. Mojžišoskro 42:37 - Le Devleskero Lav Andre Romaňi Čhib Slovensko 2021

³⁷ Avke o Ruben phenďa le dadeske: „Šaj murdares mire duje čhaven, te tuke na anava le Benjamin pale. Ma dara tut, ča de les mange andro vasta a me tuke les anava pale.“

1. Mojžišoskro 42:37 ပူးပေါင်းရင်းမြစ်များ

1. Mojžišoskro 42:36

Akor lenge o dad o Jakob phenďa: „Tumen kamen, hoj te našavav savore mire čhaven? O Jozef imar nane, aňi o Šimeon! A akana mange kamen te lel the le Benjamin? Me som oda, ko cerpinav vaš oda savoro!“

1. Mojžišoskro 42:38

Ale o Jakob phenďa: „Me na mukav mire čhas ode te džal tumenca! Leskro phral o Jozef hino imar mulo a ov ačhiľa korkoro. Som imar phuro a te pes leske vareso ačhiľahas pro drom, pre savo geľanas, ta andre bari žaľa muľomas.“

1. Mojžišoskro 43:9

Me les lav pre mande: Mire vastendar peske les šaj manges. Te les na anava tuke pale džides, avava anglal tu vinnovato calo miro dživipen.

1. Mojžišoskro 46:9

Le Rubenoskre čhave sas o Chanoch, o Palu, o Checron the o Karmi.

Micheaš 6:7

Hin le RAJESKE pre dzeka o ezera bakre a deš ezera potoki le olejoskre? Kampel mange te del mire ešebne čhavores vaš miri vina, o plodos mire ťeloskro vaš miro binos?