1. Mojžišoskro 40:11 - Le Devleskero Lav Andre Romaňi Čhib Slovensko 2021

¹¹ Andro vast ľikeravas le faraonoskri kuči. O hroznos, savo odčhinďom, pučinavas andre le faraonoskri kuči a podiňom leske e kuči andro vast.“

1. Mojžišoskro 40:11 ပူးပေါင်းရင်းမြစ်များ

1. Mojžišoskro 40:1

Pal varesavo časos o sluhas, savo čhivkerelas e mol le faraonoske, the leskro pekaris, choľarde varesoha peskre rajes, le egiptske kraľis.

1. Mojžišoskro 40:10

pre savo sas trin konarica. Sar avenas avri o prajti, takoj avenas avri the o kvitki a leskro hroznos dobariľa.

1. Mojžišoskro 40:12

O Jozef leske odphenďa: „Kada suno sikavel pre kada: Trin konarica hin trin dživesa.

1. Mojžišoskro 40:21

Le sluhaske diňa pale leskro than, hoj leske te podavkerel e kuči andro vast,

1. Mojžišoskro 49:11

Peskre terne somaris phandeha paš o viňičis, peskre somaricis ko viňično stromos, andre mol peske žužareha o plašťos, andro hroznoskro rat peskre gada.

1. Kraľengro 10:5

the o chabena pre leskro skamind. Dikhľa, sar bešenas pašal leste leskre služobňika a sar pes ľikerenas leskre sluhi the čašňika. Dikhľa the lengro uraviben the o labarde obeti, so anelas andro Chramos le RAJESKRO. Sar oda savoro dikhľa, ačhiľa bijal peste a na džanelas, so pre oda te phenel.

2. Kronicko 9:4

sar dikhľa o chabena pre leskro skamind, sar bešenas pašal leste leskre služobňika, sar pes ľikerenas leskre sluhi the čašňika, a sar dikhľa lengro uraviben the o labarde obeti, save o Šalamun anelas andro Chramos le RAJESKRO, ačhiľa calkom bijal peste.

Nehemiaš 1:11

Mangav tut, ó, RAJEJA, šun avri miri modľitba the e modľitba savore tire služobňikengri, so tut den pačiv le jilestar. De, hoj o kraľis te avel ke ma adadžives jileskro a te avel mange avri oda, so kamav.“ Andre oda časos somas hlavno čašňikos le kraľiskro, so leske podelas e mol.

Prislovja 3:10

Te kada kereha, ela tut pherdo zrnos andre tire stodoli a tire sudi prečuľana la neva moľaha.

3. Mojžišoskro 10:9

„Sar džana andro Svetostankos, tu aňi tire čhave našťi pijen mol aňi ňisavo aver pijiben, hoj te na meren. Kada hin o prikazis, savo mušinen te doľikerel tumen the savore tumare potomki pro furt.