1. Mojžišoskro 39:10 - Le Devleskero Lav Andre Romaňi Čhib Slovensko 2021

¹⁰ A kajte džives so džives cirdelas le Jozef pre oda, hoj laha te pašľol, ov la na šunďa.

1. Mojžišoskro 39:10 ပူးပေါင်းရင်းမြစ်များ

1. Mojžišoskro 39:11

Sar andre jekh džives geľa o Jozef te kerel peskri buči andro kher, ňiko le služobňikendar na sas khere.

1. Mojžišoskro 39:8

Ale ov oda na kamelas te kerel a phenďa peskre rajeskra romňake: „Dikh, miro raj pes na mušinel te starinel pal ňisoste andro kher, bo me som kade a ačhaďa man upral savoreste, so hin leskro.

1. Mojžišoskro 39:9

Andre kada kher nane ňiko mandar bareder. Nane ňič, so mange na diňa andro vasta, ča tut na, bo sal leskri romňi. Sar šaj kerav kajso baro džungipen a kajso binos anglo Del?“

Prislovja 1:15

Čhavo miro, ma dža kajse dženenca, a ma thov tiro pindro pre lengre droma.

Prislovja 2:16

O goďaveripen tut zachraňinela la lubňatar; la avra džuvľatar, savi pes tuke guľarel le lavenca,

Prislovja 22:14

O vušta la lubňakre hine sar e bari jama, a oda, pre kaste o RAJ hino choľamen, perela andre.

Prislovja 23:27

bo e lubňi hiňi sar e bari chev, a e cudzo džuvľi hiňi sar e saňi chaňig:

Prislovja 23:28

Oj pre tu užarel sar o zbujňikos a but muršendar kerel napačivalen.

Prislovja 5:3

Pal o vušta la avra džuvľake čuľal o medos a lakri čhib hiňi hladko sar olejos,

Prislovja 5:8

Ačh dur kajsa džuvľatar a ma dža aňi paš o vudar lakre khereskro!

Prislovja 7:13

Obchudňa le terne muršes, čumidľa les a bi e ladž leske phenďa:

Prislovja 7:5

Ochraňinena tut la avra džuvľatar, lakre gule lavendar.

Prislovja 9:14

Bešel peske paš o vudar paš peskro kher, pro nekučeder than andro foros,

Prislovja 9:16

„Ko na achaľol, mi avel kade!“ A olenge, ko hine bi e goďi, phenel:

1. Korinťanenge 15:33

Ma den tumen te klaminel: „Maškar o nalačhe manuša pes musarel o lačho charakteris.“

1. Korinťanenge 6:18

Denašen het le lubipnastar! Dojekh aver binos, savo kerďahas o manuš, na kerel peskre ťeloske, ale ko kerel o lubipen, kerel binos korkoro pre peskro ťelos.

1. Tesaloničanenge 5:22

Ňič tumen te na chal le ňisave nalačhipnaha.

1. Timoteoske 5:14

Vašoda kamav, hoj o terneder vdovi te džan romeste, te avel len čhave a te starinen pes pal peskre khera, bo oleha na domukena olenge, ko pre amende džan, hoj pal amende te vakeren namištes.

2. Timoteoske 2:22

Denaš het le terňikane žadoscendar a dža pal o spravodľišagos, pal o pačaben, pal o kamiben the pal o smirom jekhetane olenca, ko andral o žužo jilo lašaren le Rajes.

1. Peter 2:11

Phralale mire, phenav tumenge sar olenge, ko nane khere kade pre phuv a ko ča pal kadi phuv predžan: Zľikeren tumen le ťelesne žadoscendar, so pes maren tumara dušaha!