1. Mojžišoskro 38:29 - Le Devleskero Lav Andre Romaňi Čhib Slovensko 2021

²⁹ Ale o čhavoro cirdňa andre pale o vast a leskro phral avľa ešebno avri. Oj phučľa: „Sar tut ispidňal ešebno avri?“ Vašoda leske diňa nav Perec.

1. Mojžišoskro 38:29 ပူးပေါင်းရင်းမြစ်များ

1. Mojžišoskro 38:28

Sar lake uľonas o čhave, jekh le čhavorendar thoďa avri o vast. Odi romňi, savi lake pomožinelas le ločhol, phandľa ľoľi šparga le čhavoreske pro vast a phenďa: „Kada avľa ešebno avri.“

1. Mojžišoskro 46:12

Le Judaskre čhave sas o Er, o Onan, o Šelah, o Perec the o Zerach. Ale o Er the o Onan mule andro Kanaan. Le Perec sas čhave o Checron the o Chamul.

1. Kronicko 2:4

Le Juda sas peskra boraha la Tamaraha duj čhave: o Perec the o Zerach. Savore le Judaskre čhave sas pandž.

1. Kronicko 9:4

Andral o kmeňos Juda ode avle pale te bešel 690 fameliji. On savore sas potomki le Judaskre čhavendar: le Perecostar, le Šelostar the le Zerachostar. Lengre vodci sas o Utaj, o Asajah the o Jeuel. O Utaj sas le Amichudoskro čhavo a potomkos le Omrioskro, le Imriskro, le Baniskro the le Perecoskro; o Asajah sas potomkos le Šeloskro a o Jeuel le Zerachoskro.

Nehemiaš 11:4

Andral o kmeňos Juda: Atajah, saveske sas dad o Uziaš, leske o Zecharijah, leske o Amariah, leske o Šefatjah the leske o Mahalalel, savo sas potomkos le Perecoskro;

Nehemiaš 11:6

Savore le Perecoskre potomki, save bešenas andro Jeruzalem, sas 468 zorale murša.

4. Mojžišoskro 26:20

O potomki le Judaskre pal peskre fajti sas kala: le Šelostar, e famelija le Šeloskri; le Perecostar, e famelija le Perecoskri; le Zerachostar, e famelija le Zerachoskri.

Matuš 1:3

a o Juda sas dad le Pereciske the le Zerachoske, savenge sas daj e Tamar. O Perec sas dad le Checronoske, o Checron sas dad le Ramoske,

Лукастар 3:33

leskro o Aminadab, leskro o Admin, leskro o Checron, leskro o Perec, leskro o Juda, leskro o Jakob,

E Rut 4:12

O čhave, save tut o RAJ dela kala romňatar, mi en sar o kmeňos le Perecoskro, savo sas o čhavo la Tamarakro the le Judaskro.“