1. Mojžišoskro 37:31 - Le Devleskero Lav Andre Romaňi Čhib Slovensko 2021

³¹ Avke ile le Jozefoskre gada, murdarde le capos a močinde o gada andro rat.

1. Mojžišoskro 37:31 ပူးပေါင်းရင်းမြစ်များ

1. Mojžišoskro 37:23

Sar o Jozef avľa ko phrala, čhide pal leste tele oda šukar farebno plašťos, so sas pre leste,

1. Mojžišoskro 37:3

O Izrael kamelas buter le Jozef sar okle čhaven, bo uľiľa leske, sar sas imar phuro. O Jakob leske diňa te sivel igen šukar farebno plašťos.

1. Mojžišoskro 37:32

Oda šukar plašťos ile, ľigende le dadeske a phende: „Kada arakhľam. Dikh, či kada plašťos hin tire čhaskro, abo na.“

1. Mojžišoskro 44:28

Jekh lendar man imar omukľa a me mange phenďom, hoj les mušinďa te rozchal o dzivo džviros. Akorestar les na dikhľom.‘

1. Mojžišoskro 45:26

Phende leske: „O Jozef mek dživel! Ov vladňinel upral calo Egipt!“ Ale sar ada šunďa o dad, ačhiľa sar bar a našťi lenge dopačalas.

Prislovja 28:13

Ko garuvel peskro binos, na džala anglal, ale ko viznavinel peskro binos a omukel les, chudela le Devleskro jileskeriben.