1. Mojžišoskro 35:22 - Le Devleskero Lav Andre Romaňi Čhib Slovensko 2021

²² Sar imar bešelas andre kadi phuv, o Ruben pašľiľa la Bilhaha, savi sas romňi-služobňička leskre dadeskri, a o Izrael pes pal oda došunďa. Le Jakob sas dešuduj (12) čhave.

1. Mojžišoskro 35:22 ပူးပေါင်းရင်းမြစ်များ

1. Mojžišoskro 35:18

Ale sar oj merelas a sas imar pašes paš o meriben, diňa peskre čhaske nav Ben-Oni, ale o Jakob leske diňa nav Benjamin.

2. Samueloskro 13:21

Sar pes pal oda došunďa o David, igen choľisaľiľa.

2. Samueloskro 20:3

Sar o David avľa andre peskro kher andro Jeruzalem, iľa ole deše romňijen-služobňičken, saven mukľa, hoj pes te starinen pal o palacis, a thoďa len andro kher, kaj len stražinenas. Starinelas pes pal lende, ale na pašľolas lenca buter. On sas dži o meriben zaphandle andro kher a dživenas ode sar vdovi.

1. Kronicko 5:1

O Ruben sas ešebno čhavo le Jakoboskro, ale pašľiľa le dadeskra romňaha, vašoda našaďa o pravos, so hin ešebne čhas. Leskro pravos pregeľa pro Jozefoskre čhave a avke andre famelijakro rodokmeňos na sas les pačiv sar ešebnes.

2. Mojžišoskro 2:1

Andre oda časos varesavo murš andral o kmeňos Levi, peske iľa romňa andral peskro kmeňos.

3. Mojžišoskro 18:8

Ma ker ladž tire dadeske oleha, hoj pašľoha leskra avra romňaha, bo oleha kerďalas ladž tire dadeske.

4. Mojžišoskro 10:14

O partiji andral o taboris le Judaskre kmeňostar džanas ešebna pal peskri zastava. Lengro vodcas sas o Nachšon, le Aminadaboskro čhavo.

4. Mojžišoskro 13:4

Sas oda kala džene: Andral o kmeňos Ruben o Šamua, le Zachuroskro čhavo;

Skutki 7:8

Kerďa leha zmluva pal e obriezka, avke leske uľiľa o Izak a pro ochtoto džives les o Abraham obrezinďa. Le Izakostar sas o Jakob a le Jakobostar sas amare dešuduj (12) bare dada.

1. Korinťanenge 5:1

Šunďom, hoj hin maškar tumende o lubipen a oda ajso lubipen, savo nane mek aňi maškar o napačabnaskre. Phenav pal oda, hoj vareko tumendar dživel peskre dadeskra romňaha.

5. Mojžišoskro 27:12

„Sar predžana o Jordan, akor pes mi ačhaven pro verchos Gerizim o izraelika kmeňi o Šimeon, o Levi, o Juda, o Jisachar, o Jozef the o Benjamin pro požehnaňje.

5. Mojžišoskro 27:20

‚Prekošlo hino oda, ko pašľola le dadeskra romňaha, bo oleha kerel ladž peskre dadeske.‘ A savore manuša mi phenen: ‚Amen!‘

Zjaveňje 21:14

Le foroskre muros sas dešuduj zakladi a pre lende dešuduj nava le dešuduje apoštolengre le Bakroreskre.

Sudcengro 5:14

Varesave avle tele andral o Efrajim, kaj bešenas angloda o Amaleka, aver avle andral o Benjamin. Le Machirostar avle o vodci a le Zebulunostar ola, ko hine veľiťeľa.

1. Samueloskro 2:22

O Eli sas imar igen phuro a furt šunelas pal savoro, so kerenas leskre čhave savore Izraelitenge, the pal oda, sar pašľonas le džuvľenca, save služinenas anglo vudar andro Stanos le RAJESKRO.