1. Mojžišoskro 3:19 - Le Devleskero Lav Andre Romaňi Čhib Slovensko 2021

¹⁹ Phares kereha buči a spocisaľoha, te kameha te chal, medik na džaha pale andre phuv, bo la phuvatar salas kerdo a andre phuv pale džaha.“

1. Mojžišoskro 3:19 ပူးပေါင်းရင်းမြစ်များ

1. Mojžišoskro 18:27

O Abraham odphenďa: „Domukľom mange te vakerel mire Rajeha, kajte džanav, hoj som ča prachos the popolos.

1. Mojžišoskro 2:7

Akor o RAJ, o Del, kerďa le manušes le prachostar pal e phuv a phurdľa leske andro nakh o dichos le dživipnaskro a o manuš chudňa te dživel.

1. Mojžišoskro 23:4

„Me som maškar tumende ča cudzincos, savo avľom kade te bešel. Mangav tumen, den man prekal e famelija hroboskro than, kaj šaj parunava mira romňa.“

1. Mojžišoskro 3:18

O koľaka the o kraki tuke barona andral e phuv a chaha oda, so tuke barola pre maľa.

1. Mojžišoskro 5:5

O Adam dživelas eňa šel the tranda (930) berš a paľis muľa.

O Job 1:21

a phenďa: „Lango avľom andral o per la dakro a lango džava pale pre oda than, khatar avľom. O RAJ diňa a o RAJ iľa. Mi el lašardo o nav le RAJESKRO!“

O Job 10:9

Mangav tut, ma bister, hoj man kerďal čikatar. Visareha man pale pro prachos?

O Job 19:26

Dikhava le Devles andre miro ťelos the akor, sar ela miri cipa zňičimen;

O Job 21:26

No sodujdžene pašľona andro prachos, kaj len zaučharena andre o kirme.

O Job 34:15

ta savoro džido jekhvareste našľiľahas a o manuš geľahas pale andro prachos.

O Job 4:19

akor sar oda ela olenca, ko hine la čikatar a o zakladi len hin andro prachos? On ena zňičimen sigeder sar o moľos,

Žalmi 103:14

Bo ov džanel, sar sam stvorimen, na bisterel, hoj sam le prachostar.

Žalmi 104:23

O manuša džan pal peskre buča, pal oda, so keren dži rači.

Žalmi 104:29

Sar garuves o muj, daran pes; Sar lenge les o dichos, meren a ačhen pale prachoske.

Žalmi 127:2

Zbitočňe ušťen upre sig, džan te sovel nasig a keren phares buči vaš o maro; bo ov pes starinel pal ola, kas kamel, mek sar soven.

Žalmi 22:15

Som sar o rozčhido paňi, savore kokala mange chučile avri. Miro jilo hino sar e rozgeľi momeľi, biľiľa andre ma.

Žalmi 22:29

O rajipen hino le RAJESKRO, ov vladňinel upral o narodi.

Žalmi 90:3

Le manušestar keres pale prachos; phenes: „Ačhen pale prachoske, manušale!“

Prislovja 21:16

O manuš, savo odgeľa la sasťa goďatar, dochudela pes maškar o mule manuša.

Kazaťeľis 1:13

Iľom mange andro jilo, hoj goďaha rodava avri sa a dodžanava man savoro, so pes kerel tel o ňebos. Savo baro pharipen thoďa o Del pro manuša!

Kazaťeľis 1:3

So ela le manušes savora phara bučatar, savaha pes trapinel kade pre phuv?

Kazaťeľis 12:7

a o prachos džala pale andre phuv, avke sar sas, a o duchos džala pale ko Del, savo les diňa.

Kazaťeľis 3:20

Savoro džal pre oda jekh than; savoro hin kerdo le prachostar a savoro pale ačhela prachoske.

Kazaťeľis 5:15

The kada hin igen nalačho: Sako džala, avke sar avľa. So lačho hin ola phara bučatar? Oda hin sar o denašiben pal e balvaj.

Daniel 12:2

A but olendar, ko soven andro prachos la phuvakro, ušťena upre; jekh pro večno dživipen, ale aver ena teledikhle the andre ladž pro furt.

1. Korinťanenge 15:47

Ešebno manuš hino la phuvatar, kerdo le prachostar; dujto manuš hin andral o ňebos.

Efežanenge 4:28

Oda, ko čorel, imar buter te na čorel, ale mi chudel te kerel buči peskre vastenca, hoj les te avel so te del olen, kas nane.

1. Tesaloničanenge 2:9

Se leperen tumenge, phralale, pre amari phari buči. Rat-džives kerahas, hoj te na avas tumenge pre meň, medik tumenge vakerahas o evaňjelium le Devleskro.

2. Tesaloničanenge 3:10

A sar samas ke tumende, prikazinahas tumenge kada: „Oda, ko na kamel te kerel buči, aňi te na chal!“

Židenge 9:27

Avke sar hin dino le manušenge jekhvar te merel a paľis ela o sudos,