1. Mojžišoskro 28:2 - Le Devleskero Lav Andre Romaňi Čhib Slovensko 2021

² Dža andre phuv Paddan-Aram, andro kher ko Betuel, ke tira dakro dad. Ode tuke le avri romňa le Labanoskre čhajendar, la dakre phralestar.

1. Mojžišoskro 28:2 ပူးပေါင်းရင်းမြစ်များ

1. Mojžišoskro 24:10

Avke o sluhas iľa andral peskre rajeskro stados deše ťaven a iľa mek but lačhe dari peskre rajestar a geľa het. Avke geľa andro Aram-Naharajim andro foros le Nachoriskro.

1. Mojžišoskro 24:29

La Rebeka sas phral o Laban. Ov denašelas ko murš paš e chaňig,

1. Mojžišoskro 24:4

Ale džaha andre miri phuv ke miri famelija a odarik leha romňa mire čhaske le Izakoske.“

1. Mojžišoskro 24:50

O Laban the o Betuel odphende: „Te hin kada le RAJESTAR, so amen šaj phenas?

1. Mojžišoskro 25:20

Sar sas le Izakoske saranda (40) berš, iľa peske la Rebeka romňake. E Rebeka sas e čhaj le Aramejčanoskri le Betueliskri andral e phuv Paddan-Aram a sas pheň le Labanoske, savo sas Aramejčanos.

1. Mojžišoskro 28:5

Paľis o Izak bičhaďa le Jakob, hoj te džal andre phuv Paddan-Aram. Avke džalas ko Laban, ko čhavo le Betueliskro, savo sas Aramejčanos. Ov sas phral la Rebekakro, savi sas e daj le Jakoboskri the le Ezavoskri.

1. Mojžišoskro 29:1

Paľis o Jakob džalas dureder le dromeha a avľa andre phuv pro vichodos.

1. Mojžišoskro 31:18

a iľa peha savore peskre stadi the savoro barvaľipen, so peske dochudňa andro Paddan-Aram, hoj te džal ke peskro dad ko Izak andre phuv Kanaan.

1. Mojžišoskro 32:10

Paľis pes o Jakob mangelas ko Del: „Devla mire phure dadeskro le Abrahamoskro a mire dadeskro le Izakoskro, šun man! Ó, RAJEJA, tu mange phenďal, hoj te džav pale andre miri phuv the ke miri famelija, a diňal man lav, hoj man deha andre savoreste bach.

1. Mojžišoskro 33:18

Sar o Jakob avľa avri andral o Paddan-Aram, dogeľa mištes andro foros Šichem andre phuv Kanaan a bešelas paš o foros.

1. Mojžišoskro 35:9

Kana o Jakob pes visarelas andral o Paddan-Aram, sikaďa pes leske pale o Del a požehňinďa les.

1. Mojžišoskro 46:15

Kala sas la Lejakre the le Jakoboskre čhave, save lenge uľile andro Paddan-Aram. Ode lenge uľiľa the e čhaj e Dina. Savore leskre čhave the čhaja la Lejaha sas tranda the trin (33).

Hozeaš 12:12

Hin andro Gilead e modloslužba? Ola manuša ena zňičimen! Obetinenas le biken andro Gilgal? Lengre oltara ena sar o bara pre kopa pre orimen maľa!

Hozeaš 12:13

O Jakob denašľa andre phuv Aram; o Izrael služinelas, hoj te dochudel la romňa; vaš e džuvľi stražinelas o stadi.