1. Mojžišoskro 28:16 - Le Devleskero Lav Andre Romaňi Čhib Slovensko 2021

¹⁶ Sar pes o Jakob prekerďa andral o soviben, phenďa: „Čačes hino o RAJ pre kada than, ale me olestar na džanavas!“

1. Mojžišoskro 28:16 ပူးပေါင်းရင်းမြစ်များ

1. Kraľengro 3:15

Androda o Šalamun ušťiľa andral o soviben a avľa pre oda, hoj o RAJ vakerelas leha andro suno. Paľis geľa andro Jeruzalem a ačhaďa pes angle archa le RAJESKRA zmluvakri. Anďa ode o labarde the o smiromoskre obeti a kerďa hoscina prekal savore peskre služobňika.

O Job 33:14

Se o Del vakerel pale a pale, ale ňiko peske oda na všimňinel.

O Job 9:11

Sar predžal pašal ma, me les na dikhav. Sar man obdžal, me les na šunav.

Žalmi 139:7

Kaj šaj denašav tire Duchostar? Kaj šaj denašav tutar?

Žalmi 68:35

Vakeren pal le Devleskri zor! Leskri slava hin upral o Izrael, leskri zor hin andro chmari.

2. Mojžišoskro 15:11

Ko maškar o devla hino ajso sar tu, RAJEJA? Ko hino ajso slavno the sveto? Ko šaj kerel ajse zazraki the znameňja sar tu?

2. Mojžišoskro 3:4

Sar o RAJ dikhľa, hoj o Mojžiš džal te dikhel pre oda, prevakerďa ke leste andral o krakos: „Mojžiš, Mojžiš!“ Ov odphenďa: „Kade som.“

2. Mojžišoskro 3:5

O Del phenďa: „Ma av pašeder! Čhiv tele o sandalki pal o pindre, bo e phuv, pre savi ačhes, hiňi sveto.

Izajaš 8:13

Ale le Nekzoraleder RAJES den pačiv sar Svetones; lestar pes kampel te daral a te izdral!

Jeremijaš 31:26

Andre kada ušťiľom a obdikhavas man. Miro suno sas mange pre dzeka.

4. Mojžišoskro 12:6

phenďa lenge: „Šunen mire lava: Te hin maškar tumende prorokos, me o RAJ man leske dav te sprindžarel andro viďeňje a vakerav leha andro suno.

Jozua 5:13

Sar sas o Jozua pašes paš o Jericho, jekhvareste dikhľa anglal peste te ačhel muršes la šabľaha andro vast. O Jozua geľa paš leste a phučľa: „Sal jekh amendar, abo sal amaro ňeprijaťeľis?“

Jozua 5:15

O veľiťeľis le RAJESKRA armadakro leske phenďa: „Čhiv tele o sandalki, bo o than, pre savo ačhes, hino sveto.“ Avke o Jozua oda kerďa.