1. Mojžišoskro 27:41 - Le Devleskero Lav Andre Romaňi Čhib Slovensko 2021

⁴¹ Akor o Ezav našťi avri ačhelas le Jakob vaš o požehnaňje, so les diňa o dad. O Ezav peske phenďa: „Sar merela miro dad, akor murdarava mire phrales le Jakob.“

1. Mojžišoskro 27:41 ပူးပေါင်းရင်းမြစ်များ

1. Mojžišoskro 27:42

Sar pes e Rebeka došunďa, so phenďa o Ezav, diňa peske te vičinel le čhas le Jakob a phenďa leske: „Tiro phral tut kamel te murdarel.

1. Mojžišoskro 32:11

Na som ajso lačho, hoj mange te presikaves o jileskeriben a te keres oda, so tutar mangav me, tiro služobňikos. Sas man ča e paca sar kadarik pregeľom prekal o Jordan a akana man hin duj tabora.

1. Mojžišoskro 32:3

Soča len dikhľa, phenďa: „Kada hin le Devleskro taboris.“ Ole thaneske diňa nav Machanajim.

1. Mojžišoskro 32:6

Hin man mire gurumňa, somara, bakrore, sluhi the služki. Bičhavav ke tu mire muršen pačabnaha, hoj aveha ke ma jileskro.‘ “

1. Mojžišoskro 35:29

Muľa andre šukar lačhe phuripnaskre berša a geľa paš peskre phure dada, save mule. Leskre čhave o Ezav the o Jakob les parunde.

1. Mojžišoskro 37:18

Sar les dikhle dural, mek sigeder, sar paš lende doavľa, phende peske, hoj les murdarena.

1. Mojžišoskro 37:4

Sar dikhle leskre phrala, hoj lengro dad le Jozef kamelas buter sar len, našťi les avri ačhenas, a vašoda leha imar aňi šukares na vakerenas.

1. Mojžišoskro 37:8

Pre kada leske o phrala phende: „So kames upral amende te kraľinel abo te vladňinel?“ Vaš leskre sune the lava les o phrala mek goreder našťi avri ačhenas.

1. Mojžišoskro 50:15

Sar le Jozefoskre phrala dikhle, hoj lenge muľa o dad, phende: „So te akana o Jozef džala pre amende? So te kamela amenge te visarel pale savoro oda nalačho, so leske kerďam?“

1. Mojžišoskro 50:2

Paľis o Jozef phenďa peskre sluhenge, le doktorenge, hoj le dades te zabalzaminen.

2. Kronicko 35:24

Avke o služobňika les ile pal leskro verdan, thode les pre aver a odľigende andro Jeruzalem, kaj paľis muľa. Parunde les andro hrobos le dadengro a savore manušenge andre Judsko the andro Jeruzalem sas pharo pal o Jozijaš.

Žalmi 142:3

Leske phenav avri miri žaľa a vakerav pal miro pharipen.

Žalmi 35:14

avke sar te man modľinďomas vaš o prijaťeľis abo vaš o phral. Rovavas avke, sar te runďomas pal e daj, a mukavas tele o šero pharipnastar.

Žalmi 37:16

Oda frima, so hin le spravodľivones, hin feder sar o barvaľipen le but nalačhe manušengro.

Prislovja 1:16

Se lengre pindre denašen te kerel o nalačho a siďaren te čhorel avri o rat.

Prislovja 18:19

Te dochudel pes paš o dukhado phral hin phareder, sar te dodžal andro ohradzimen foros; o vesekedišagi hine maškar o phrala sar o zakerde brani pro hrados.

Prislovja 6:14

andre peskro previsardo jilo furt gondoľinel, sar te kerel o nalačhipen a všadzik rozľidžal o vesekedišagi.

Kazaťeľis 7:9

Ma choľisaľuv sig andre tiro duchos, bo e choľi hiňi andro jilo le dilinenge.

Ezechiel 35:5

Vašoda, hoj imar čirlastar furt sal le Izraelitengro ňeprijaťeľis a diňal len te murdarel la šabľaha akor, sar pre lende avľa o baro pharipen, sar avľa lengro posledno trestos,

5. Mojžišoskro 34:8

O Izraeliti pal o Mojžiš pre moabiko rovina rovenas tranda (30) džives, medik na pregeľa o roviben the o smutkos pal leste.

Titoske 3:3

Bo the amen samas varekana nagoďaver a na šunahas le Devles. Bludzinahas a samas otroka le všelijake žadoscenge the rozkošenge; dživahas andre choľi a zavidzinahas. Aver manuša amen narado dikhenas a the amen len.