1. Mojžišoskro 27:35 - Le Devleskero Lav Andre Romaňi Čhib Slovensko 2021

³⁵ Ale o Izak phenďa: „Tiro phral manca thoďa avri a čorďa tuke o požehnaňje.“

1. Mojžišoskro 27:35 ပူးပေါင်းရင်းမြစ်များ

1. Mojžišoskro 27:33

O Izak igen predaranďiľa a phučľa: „Akor ko sas oda, ko mange anďa o chaben ole džvirostar, so chudňa? Chaľom oda imar sigeder, sar tu avľal. Požehňinďom les a ela požehňimen pro furt.“

1. Mojžišoskro 29:25

Sar tosara o Jakob dikhľa, hoj oda sas e Leja, phenďa le Labanoske: „So manca kerďal? Či na keravas prekal tu buči vaš e Rachel? Soske manca thoďal avri?“

2. Kraľengro 10:19

Akana vičinen ke mande savore Baaloskre proroken; dojekhes, ko les lašarel the savore leskre rašajen. Mušinen savore te avel, bo kerav bari obetno hoscina prekal o Baal. Ko na avela, ela murdardo.“ Kavke lenca o Jehu kamľa te thovel avri, hoj te murdarel savoren, save lašarenas le Baal.

O Job 13:7

Či kamen te vakerel o klamišagi, hoj te zaačhen vaš o Del? Kamen te klaminel leske pro lačho?

Jeremijaš 9:4

Jekh avreha thoven avri a ňiko na vakerel o čačipen. O manuša sikľon te vakerel o klamišagi; le binendar, so keren, ačhen igen strapimen.

Malachijaš 2:10

Či nane amen savoren ča jekh dad? Či amen na stvorinďa oda jekh Del? Soske na sam pačivale jekh avreske a na doľikeras e zmluva amare dadengri?

2. Korinťanenge 4:7

Ale kada barvaľipen hin andre amende andro čikakre kuča, hoj te dičhol, hoj odi bari zor hin le Devlestar a na amendar.

1. Tesaloničanenge 4:6

Ňiko te na thovel avri peskre phraleha avke, hoj kerela vareso leskra romňaha. Bo amaro Raj marela sakones, ko oda kerel, sar tumenge imar sigeder zoraha priphenďam the dovakerďam.