1. Mojžišoskro 27:27 - Le Devleskero Lav Andre Romaňi Čhib Slovensko 2021

²⁷ Ov geľa a čumidľa les. Sar šunďa e voňa leskre gadendar, požehňinďa les a phenďa: „Dikh, e voňa mire čhaskri hiňi sar e voňa la maľakri, savi požehňinďa o RAJ.

1. Mojžišoskro 27:27 ပူးပေါင်းရင်းမြစ်များ

1. Mojžišoskro 26:12

O Izak chudňa andre odi phuv te sadzinel a kidňa upre šelvar buter uľipen sar oda, so sadzinďa, bo o RAJ les požehňinďa.

1. Mojžišoskro 27:15

Paľis e Rebeka iľa o gada le phuredere čhaskre le Ezavoskre, ola nekfeder, so sas khere ke late, a urďa len le ternedere čhaske le Jakoboske.

1. Mojžišoskro 27:26

O dad, o Izak leske paľis phenďa: „Av kade paš ma, čhavo miro, čumide man!“

1. Mojžišoskro 27:39

Leskro dad o Izak leske odphenďa: „Dživeha dur la plodna phuvatar the le ňeboskre brišindestar, so perel pre phuv.

1. Mojžišoskro 48:10

O Izrael sas imar phuro a imar na dikhelas igen mištes. Sar len o Jozef anďa ke leste, o Jakob len čumidľa a obchudňa.

1. Mojžišoskro 48:15

Paľis požehňinďa le Jozef a phenďa: „Mi požehňinel kale čhaven o Del, angle savo phirenas mire dada o Abraham the o Izak, o Del, savo man ľidžalas le terňipnastar dži adadžives sar pasťjeris!

Žalmi 65:10

Starines tut pal e phuv a poľivines le paňeha; igen la barvaľares. O jarki le Devleskre hine pherde le paňeha, hoj te den le manušen e pšeňica. Kavke tut starines pal e phuv:

Nekšukareder giľi 2:13

Pro figovňikos barol o terne figi, o viňici kvitňisaľon a šukares voňinen. Ušťi upre, lasko miri, av, miri šukarori!“

5. Mojžišoskro 33:13

Pal o kmeňos Jozef phenďa: „Mi požehňinel o RAJ leskri phuv la rosaha andral o ňebos upral the le paňeha andral e phuv telal,

Židenge 11:20

Le pačabnaha požehňinďa o Izak le Jakob the le Ezav andre ola veci, so avena.

Židenge 6:7

O Del požehňinel odi phuv, so prilel furt o brišind a anel o uľipen, a del chasna olen, ko pre late keren buči.