1. Mojžišoskro 25:5 - Le Devleskero Lav Andre Romaňi Čhib Slovensko 2021

⁵ O Abraham diňa savoro peskro barvaľipen le Izakoske.

1. Mojžišoskro 25:5 ပူးပေါင်းရင်းမြစ်များ

1. Mojžišoskro 24:35

O RAJ igen bares požehňinďa mire rajes, vašoda hino barvalo. Diňa les bakre the gurumňa, rup the somnakaj, sluhen the služken, ťaven the somaren.

1. Mojžišoskro 24:36

Sar sas miri rajeskri romňi e Sara imar phuri, uľiľa lake muršoro a miro raj leske diňa savoro, so les hin.

1. Mojžišoskro 25:4

Le Midijanoskre čhave sas o Efah, o Efer, o Chanoch, o Abidas the o Eldaah. Savore kala sas la Keturakre čhave.

1. Mojžišoskro 26:14

Sas les but stadi bakre the gurumňa the igen but sluhi. Vašoda les o Filišťinci našťi avri ačhenas.

Žalmi 68:18

O verdana le Devleskre hine ezera-ezerenge, aňi pes len na del te zrachinel, lenca avľa o Raj andral o Sinaj andro Neksveteder than.

Matuš 11:27

Miro Dad mange diňa savoro. Ňiko na džanel le Čhas, ča o Dad; aňi le Dades na džanel ňiko, ča o Čhavo the oda, kaske les o Čhavo kamel te sikavel.

Matuš 28:18

O Ježiš avľa ke lende a phenďa: „Hin mange diňi savori zor pro ňebos the pre phuv.

O Evaňjelium le Janoskro 17:2

Bo tu les diňal zor upral dojekh manuš, hoj te del večno dživipen savoren, kas leske diňal.

O Evaňjelium le Janoskro 3:35

O Dad kamel le Čhas a diňa savoro andre leskre vasta.

Rimanenge 8:17

A te sam o čhave, sam the o ďeďiča: O ďeďiča le Devleskre the jekhetane ďeďiča le Kristoskre. Bo te leha jekhetane cerpinas, jekhetane leha the avaha andre leskri slava.

Rimanenge 8:32

O Del, savo na sajinďa peskre Čhas, ale diňa les vaš amenge savorenge, či oleha amenge na diňa savoro?

Galaťanenge 3:29

A te san le Kristoskre, akor san o potomstvos le Abrahamoskro a prekal oda lav, so diňa o Del, the o ďeďiča.

Galaťanenge 4:28

Ale tumen phralale, tumen san o čhave le lavestar, so diňa o Del, avke sar o Izak.

Kološanenge 1:19

Bo le Devleske sas pre dzeka, hoj te dživel savoreha andre peskro Čhavo

Židenge 1:2

ale akana andre kala posledna dživesa prevakerďa ke amende prekal peskro Čhavo, saveha stvorinďa sa, so hin pro ňebos the pre phuv, a saves ačhaďa sar ďeďičis savoreske.