1. Mojžišoskro 24:60 - Le Devleskero Lav Andre Romaňi Čhib Slovensko 2021

⁶⁰ Požehňinde la Rebeka a phende lake: „Pheňe amari, av daj le čhavenge ezera-ezerenge a tire potomki mi prelen o fori peskre ňeprijaťeľenge!“

1. Mojžišoskro 24:60 ပူးပေါင်းရင်းမြစ်များ

1. Mojžišoskro 1:28

O Del len požehňinďa a phenďa lenge: „Aven plodna a rozmnožinen tumen, pherdžaren e phuv a zalen tumenge la! Vladňinen upral o moroskre ribi, upral o ňeboskre čirikle the upral savore dziva džviri.“

1. Mojžišoskro 14:19

a požehňinďa le Abram. Phenďa: „Av požehňimen le Nekbaredere Devlestar, Olestar, ko kerďa o ňebos the e phuv.

1. Mojžišoskro 17:16

Me la požehňinava a dava tut latar čhas. Požehňinava la a ačhela latar daj le narodengri. Latar avena avri the o kraľa le narodengre.“

1. Mojžišoskro 22:17

čačes tut požehňinava a rozmnožinava tiro potomstvos sar o čercheňa pro ňebos the sar e poši pro moroskro brehos; on zviťazinena upral peskre ňeprijaťeľa

1. Mojžišoskro 24:61

E Rebeka the o služki pes pripravinde a bešle pro ťavi, hoj te džan ole muršeha. Avke o sluhas iľa la Rebeka a geľa het.

1. Mojžišoskro 28:3

O Nekzoraleder Del tut mi požehňinel. Mi del tut but čhaven a tire čhavendar mi en but narodi.

1. Mojžišoskro 32:1

O Laban sig tosara ušťiľa, čumidľa peskre čhajen the lengre čhaven, požehňinďa len a visarďa pes pale khere.

1. Mojžišoskro 48:20

Avke len požehňinďa oda džives a phenďa: „Sar o Izraeliti žehňinena varekas, leperena tumare nava a phenena kada: ‚Mi kerel tuke o Del avke sar le Efrajimoske the le Menašeske.‘ “ Kaleha thoďa o Jakob le Efrajim anglo Menaše.

1. Mojžišoskro 9:1

Akor o RAJ požehňinďa le Noach the leskre čhaven a phenďa: „Aven plodna, rozmnožinen tumen a pherdžaren caľi phuv!

Jeremijaš 29:6

Len tumenge romňijen a mi el tumen čhave the čhaja; len romňijen tumare čhavenge a den romeste tumare čhajen, hoj lenge te uľon o čhavore the o čhajora. Tumen mušinen te barol, a na te cikňol.

Daniel 7:10

O jagalo paňi avelas avri a čuľalas anglal leste. Ezera-ezerenge leske služinenas a deš ezera deš ezerenge ačhenas anglal leste. O sudos zabešľa a o kňižki sas phundrade.

3. Mojžišoskro 25:46

Šaj len muken tumare čhavenge sar ďeďictvos, šaj ačhen tumare otrokenge pro furt. Ale ma aven zorale pre tumare phrala, pro Izraeliti.

5. Mojžišoskro 21:19

leskro dad the e daj les mi len a mi ľidžan paš e brana ko vodci le foroskre.