1. Mojžišoskro 24:14 - Le Devleskero Lav Andre Romaňi Čhib Slovensko 2021

¹⁴ Te phenava jekhake lendar: ‚De man te pijel andral o džbanos paňi,‘ a oj odphenela: ‚Le a pi! Me dava the tire ťaven te pijel,‘ ta mi el oj odi, sava kidňal avri tire služobňikoske le Izakoske. Pal oda džanava, hoj presikaďal o lačhejileskeriben mire rajeske.“

1. Mojžišoskro 24:14 ပူးပေါင်းရင်းမြစ်များ

1. Mojžišoskro 15:8

Ov phenďa: „Ó, Nekbareder RAJEJA, pal soste prindžarava, hoj ela miri?“

1. Mojžišoskro 24:13

Dikh, me ačhav kade paš e chaňig a o čhaja le foroskre aven peske te cirdel o paňi.

1. Mojžišoskro 24:15

Mek aňi oda na dophenďa a imar avelas e Rebeka le džbanoha pro phiko. Oj sas e čhaj le Betueliskri, savo sas čhavo le Nachoriskro the la Milkakro, a o Nachor sas le Abrahamoskro phral.

1. Mojžišoskro 24:18

Oj phenďa: „Pi, rajeja miro!“ A sig iľa tele o džbanos pre peskro vast a diňa les te pijel.

1. Mojžišoskro 24:19

Sar les imar diňa te pijel, phenďa: „Dava the tire ťaven ajci paňi, keci pijena.“

1. Mojžišoskro 24:43

Dikh, som paš e chaňig. Sar avela e čhaj te cirdel o paňi, phenava lake: „De man te pijel sikra paňi andral o džbanos,“

1. Mojžišoskro 24:44

a te oj phenela: „Le, pi! Me dava the tire ťaven te pijel,“ mi el oj odi romňi, sava peske o RAJ kidňa avri prekal miro rajeskro čhavo.‘

2. Samueloskro 20:9

O Joab phučľa le Amasostar: „Sar sal, phrala miro?“ A chudňa les le čače vasteha la bradatar, avke sar te les kamľahas te čumidel.

2. Samueloskro 5:24

Sar šuneha o kroki upre pro balzamika stromi, takoj tut muk pro mariben, bo akor džava me anglal tu te domarel le filišťiňike slugaďen.“

Prislovja 19:14

O kher the o barvaľipen amen hin amare dadendar, ale e goďaver romňi hin le RAJESTAR.

Izajaš 7:11

„Mang tuke o znameňje le RAJESTAR, tire Devlestar. Či oda ela o znameňje dži telal andral o Šeol abo dži upral andral o ňebos!“

Rimanenge 1:10

kecivar man modľinav. Furt mangav le Devles, hoj pes mange imar te podarisaľol, te oda ela e voľa le Devleskri, te džal ke tumende.

Sudcengro 18:5

Paľis leske phende: „Phuč akor le Devlestar, hoj pes te dodžanas, či amaro drom ela bachtalo.“

Sudcengro 6:17

O Gideon phenďa: „Te arakhľom milosť andre tire jakha, akor sikav mange vareso, hoj te džanav, hoj sal čačes o RAJ, savo vakeres manca.

Sudcengro 6:37

Dikh, rozthovava pre oda than, kaj pes žužarel o zrnos, e puža pal o bakro. Te ela e rosa pre late a e phuv ela pašal late šuki, prindžarava, hoj prekal mande zachraňineha o Izrael, avke sar phenďal.“

1. Samueloskro 20:7

Te phenela: ‚Mištes,‘ tire služobňikoske pes ňič na ačhela. Ale te igen choľisaľola, akor šaj džanes, hoj mange kamel te ubľižinel.