1. Mojžišoskro 18:11 - Le Devleskero Lav Andre Romaňi Čhib Slovensko 2021

¹¹ O Abraham the e Sara sas phure, sas lenge but berš a e Sara sas andre ola berša, sar le džuvľen imar našťi el čhave.

1. Mojžišoskro 18:11 ပူးပေါင်းရင်းမြစ်များ

1. Mojžišoskro 17:17

O Abraham banďiľa le mujeha dži pre phuv, asanďiľa andre peste a phenďa: „Šaj le muršeske, saveske hin šel (100) berš, uľol čhavoro? A la Sarake, savake hin eňavardeš (90) berš, šaj uľol mek čhavoro?“

1. Mojžišoskro 17:24

Le Abrahamoske sas eňavardeš the eňa (99) berš, sar sas obrezimen,

1. Mojžišoskro 21:7

A mek phenďa: „Ko phenďahas le Abrahamoske, hoj e Sara mek dela te pijel andral o koľin le čhaven? A the avke les diňom čhavores andre leskro phuripen.“

1. Mojžišoskro 24:1

O Abraham sas imar phuro, sas leske igen but berš a o RAJ les andre savoreste požehňinelas.

1. Mojžišoskro 24:36

Sar sas miri rajeskri romňi e Sara imar phuri, uľiľa lake muršoro a miro raj leske diňa savoro, so les hin.

1. Mojžišoskro 31:35

E Rachel phenďa le dadeske: „Ma av choľamen pre ma, rajeja miro, ale našťi anglal tu uščav, bo hin man ola dživesa, so aven pre dojekh džuvľi.“ O Laban rodelas, ale le devloren na arakhľa.

3. Mojžišoskro 15:19

„ ‚Sar la džuvľa hin peskre dživesa, hiňi nažuži efta dživesa. Sako, ko pes latar chudela, ela nažužo dži rači.

Лукастар 1:18

Ale o Zachariaš phučľa le aňjelostar: „Pal soste oda prindžarava? Me som imar phuro a the mira romňake hin but berša.“

Лукастар 1:36

Dikh, tiri famelija e Alžbeta, pre savi phende, hoj la našťi el čhave, hiňi imar šovto čhon khabňi, kajte hiňi phuri.

Лукастар 1:7

Ale na sas len čhave, bo e Alžbeta našťi ačhiľa khabňi a sodujdženenge sas imar buter berša.

Židenge 11:19

O Abraham achaľolas avke, hoj le Devles sas zor les te uštavel andral o meriben. A oda sas avke, sar te o Del diňahas pale le Abrahamoske le Izak andral o meriben.

Jozua 13:1

Sar imar sas o Jozua igen phuro, o RAJ leske phenďa: „Tu sal imar phuro a hin tuke imar but berš, ale ačhile ode but phuva, so o Izraeliti mek na zaile.