1. Mojžišoskro 17:16 - Le Devleskero Lav Andre Romaňi Čhib Slovensko 2021

¹⁶ Me la požehňinava a dava tut latar čhas. Požehňinava la a ačhela latar daj le narodengri. Latar avena avri the o kraľa le narodengre.“

1. Mojžišoskro 17:16 ပူးပေါင်းရင်းမြစ်များ

1. Mojžišoskro 1:28

O Del len požehňinďa a phenďa lenge: „Aven plodna a rozmnožinen tumen, pherdžaren e phuv a zalen tumenge la! Vladňinen upral o moroskre ribi, upral o ňeboskre čirikle the upral savore dziva džviri.“

1. Mojžišoskro 12:2

Kerava tutar igen baro narodos a požehňinava tut! Kerava tiro nav baro a tu aveha avre manušenge pro požehnaňje.

1. Mojžišoskro 15:4

Ale o RAJ leske phenďa: „Ov na ela tiro ďeďičis, ale o čhavo, savo avela tutar.“

1. Mojžišoskro 17:15

Akor o Del phenďa le Abrahamoske: „Tira romňa, la Saraj, imar na vičineha Saraj, bo lakro nav ela Sara.

1. Mojžišoskro 17:19

O Del leske pale phenďa: „Na! Tiri romňi e Sara tut dela čhavores a deha leske nav Izak. Leha the leskre čhavengre čhavenca phandava e zmluva, so ela pro furt.

1. Mojžišoskro 17:6

Igen tut rozmnožinava, tutar avena o narodi a the o kraľa.

1. Mojžišoskro 21:1

O RAJ sas ke Sara lačhejileskro a doľikerďa peskro lav, so la diňa.

1. Mojžišoskro 24:60

Požehňinde la Rebeka a phende lake: „Pheňe amari, av daj le čhavenge ezera-ezerenge a tire potomki mi prelen o fori peskre ňeprijaťeľenge!“

1. Mojžišoskro 25:23

O RAJ lake phenďa: „Andre tute hin duj narodi, ale kala duj narodi pes rozdžana. Jekh lendar ela zoraleder sar oda dujto a o terneder ela upral o phureder.“

1. Mojžišoskro 35:11

O Del leske mek phenďa: „Me som o Nekzoraleder Del. Av plodno a rozmnožin tut! Tutar avena but narodi a aveha dad le kraľenge.

1. Mojžišoskro 36:31

Kala hine o kraľa, save sas andro Edom mek sigeder, sar sas le Izraeliten kraľis:

Izajaš 49:23

O kraľa tut bararena avri sar dada a lengre kraľovni tut dena te pijel thud. Banďona anglal tu dži tele pre phuv a ľizinena o prachos pal tire pindre. Akor achaľoha, hoj me som o RAJ a hoj pes na ladžana ola, ko pes pre mande muken.“

Rimanenge 9:9

A kada hin oda lav, so diňa o Del: „Aver berš andre kajso časos avava a la Sara ela čhavoro.“

Galaťanenge 4:23

La otrokiňakro čhavo uľiľa le ťelostar, ale la slobodnakro čhavo uľiľa le lavestar, so o Del diňa.

1. Peter 3:6

avke sar e Sara, savi šunelas le Abraham a vičinelas les „rajeja“. Tumen san lakre čhaja, te keren oda, so hin lačho, a na den tumen ňisoha te daravel avri.