1. Kronicko 9:23 - Le Devleskero Lav Andre Romaňi Čhib Slovensko 2021

²³ On the lengre potomki služinenas paš o brani andro Chramos le RAJESKRO a angloda andro Svetostankos.

1. Kronicko 9:23 ပူးပေါင်းရင်းမြစ်များ

1. Kronicko 23:32

On pes starinenas pal o Svetostankos le RAJESKRO the pal o Sveto than a pomožinenas le Aronoskre potomkenge, peskre phralenge, andre služba andro Chramos.

1. Kronicko 26:12

Kala chramoskre stražňika sas rozďelimen andro partiji, sako pal lengre fajti a sas lenge diňi e služba andro Chramos le RAJESKRO, avke sar the okle Levitenge.

1. Kronicko 9:22

Savore, save sas avrikidle, hoj te stražinen e chramoskri brana, sas 212. On sas zapisimen pal peskre gava. O David le prorokoha Samueloha ačhade kale stražňikengre daden andre služba.

1. Kronicko 9:24

O brani sas pro štar seri: pro vichodos, zapados, severos the pro juhos.

2. Kronicko 23:19

A ačhaďa paš o chramoskre brani le vratňiken, hoj pes te na dochudel andre ňiko, ko hino nažužo.

Nehemiaš 12:45

bo on kerenas e žužipnaskri služba the okla službi, so o Del prikazinďa. The o chramoskre lavutara the o stražňika kerenas peskri služba, avke sar prikazinďa o David the leskro čhavo Šalamun.

Ezechiel 40:45

Phenďa mange: „Kada kher, saveskro vchodos hin visardo pro juhos, hin prekal o rašaja, save služinen andro Chramos.

Ezechiel 44:14

No dava lenge te starinel pes pal e chramoskri buči a te kerel savoro, so ode kampela te kerel.