1. Kronicko 6:3 - Le Devleskero Lav Andre Romaňi Čhib Slovensko 2021

³ Le Kohatoskre čhave sas o Amram, o Jishar, o Chebron the o Uziel.

1. Kronicko 6:3 ပူးပေါင်းရင်းမြစ်များ

1. Kronicko 15:10

the o Aminadab 112 muršenca andral le Uzieloskri fajta.

1. Kronicko 23:12

Le Kohat sas štar čhave: o Amram, o Jishar, o Chebron the o Uziel.

1. Kronicko 23:13

Le Amramoskre čhave sas o Aron the o Mojžiš. O Aron the leskre potomki sas pošvecimen andre služba, hoj pes pro furt te starinen pal o sveta veci, te anel o voňava obeti anglo RAJ, te služinel leske a andre leskro nav te žehňinel le manušen.

1. Kronicko 24:22

andral le Jisharoskri fajta o Šelomot, a andral leskri fajta o Jachat.

1. Kronicko 6:2

Le Geršomoskre čhave sas o Libni the o Šimej.

1. Kronicko 6:4

Le Merariskre čhave sas o Machli the o Muši. Kale hine le Levitengre fajti pal lengre fameliji:

2. Mojžišoskro 15:20

E prorokiňa Mirijam, le Aronoskri pheň, iľa andro vast e čerkutka a pal late džanas savore džuvľija. Bašavenas pro čerkutki the khelenas.

2. Mojžišoskro 2:4

Leskri pheň ačhelas dureder, hoj te dikhel, so pes leha ačhela.

2. Mojžišoskro 2:7

Akor le čhavoreskri pheň phučľa le Faraonoskra čhatar: „Kames, hoj te džav a te anav varesava hebrejika džuvľa, savi dela te pijel le čhavores o koľin vaš tu?“

2. Mojžišoskro 24:1

Paľis o RAJ le Mojžišoske phenďa: „Aven ke ma upre pro verchos tu, o Aron, o Nadab, o Abihu the o eftavardeš (70) izraelika vodci a dural tumen mange klaňinena a lašarena man.

2. Mojžišoskro 28:1

„Prikazin, hoj le Izraelitendar te aven angle ma tiro phral o Aron the leskre čhave o Nadab, Abihu, Eleazar the o Itamar, bo kamav, hoj mange te služinen sar rašaja.

2. Mojžišoskro 6:20

O Amram peske iľa romňa peskra nena la Jochebed a laha les sas o Aron the o Mojžiš. O Amram dživelas 137 berš.

2. Mojžišoskro 6:23

O Aron peske iľa romňa la Elišeba, savi sas čhaj le Aminadaboskri a pheň le Nachšonoske. Le Aron sas laha o Nadab, o Abihu, o Eleazar the o Itamar.

3. Mojžišoskro 10:1

Le Aronoskre čhave o Nadab the o Abihu ile peskre lopatki pro kaďidlos, ile andre e jag, thode upre o kaďidlos a obetinde le RAJESKE cudzo jag, savi lenge na prikazinďa.

3. Mojžišoskro 10:12

Avke o Mojžiš phenďa le Aronoske, le Eleazaroske the le Itamaroske, leskre čhavenge, so ačhile te dživel: „Len e chabeneskri obeta, so ačhiľa pal o jagale obeti le RAJESKRE, peken latar o maro bi o kvasos a chan les paš o oltaris, bo hino igen sveto.

3. Mojžišoskro 10:16

Paľis o Mojžiš rodelas le capos, savo sas pre obeta vaš o binos, a dikhľa, hoj hino zlabardo. Akor choľisaľiľa pro Eleazar the pro Itamar, pro čhave le Aronoskre, save ačhile te dživel, a phenďa:

Micheaš 6:4

Se iľom tumen avri andral o Egipt, cinďom tumen avri andral o otroctvos; bičhaďom le Mojžiš, le Aron the la Mirijam, hoj tumen te ľidžan.