1. Kronicko 5:22 - Le Devleskero Lav Andre Romaňi Čhib Slovensko 2021

²² The but manuša mule andro mariben, bo oda mariben sas le Devleskro. Pre lengro than bešenas dži akor, medik na sas zaile andre Asirija.

1. Kronicko 5:22 ပူးပေါင်းရင်းမြစ်များ

1. Mojžišoskro 49:19

Pre tu, Gadona, chučena o živaňa, ale tu pes visareha a džaha pre lende palunestar.

2. Kraľengro 15:29

Sar sas andro Izrael kraľis o Pekach, avľa ode o asiriko kraľis Tiglat-Pileser a zaiľa peske o fori Ijon, Abel-Bet-Maacha, Janoach, Kedeš the Chacor a o phuva Gilead the Galileja, oda hin caľi phuv Naftali. A le manušen odarik odľigenďa andre Asirija.

2. Kraľengro 17:6

Sar kraľinelas o Hošea eňato berš, domarďa o asiriko kraľis e Samarija. Zaiľa le Izraeliten a odľigenďa len andre Asirija. Thoďa len te bešel andro foros Chalach, andro Chabor paš o paňi Gozan the andro Medska fori.

1. Kronicko 4:41

Avke kala fajti avle andro Gedor, sar kraľinelas andre Judsko o Chizkija. Le Chamčanengre stani čhide tele a le Meuniťanen, save ode bešenas, murdarde avri a zaile lengre thana, bo ode sas maľi prekal lengre stadi. Avke ode bešen dži adadžives.

1. Kronicko 5:21

Ile lenge 50 000 ťaven, 250 000 bakren, 2 000 somaren the 100 000 manušen.

1. Kronicko 5:26

O Del le Izraeloskro kerďa upre le asirike kraľis le Pul – oda hin o Tiglat-Pileser –, hoj te džal pre lende pro mariben. Ov zaiľa o kmeňi Ruben, Gad the jepaš kmeňos Menaše a odľigenďa len andro Chalach, andro Chabor, andre Hara the paš o paňi Gozan, kaj hine dži adadžives.

1. Kronicko 6:26

o Etni, o Zerach, o Adajah,

2. Kronicko 26:7

O Del leske pomožinelas andro mariben pro Filišťinci, pro Arabi, save bešenas andro Gur-Baal, the pro Meuniti.

2. Kronicko 32:8

Les hin bari armada, ale oda hine ča manuša, ale amenca hino o RAJ, amaro Del, pripravimen amenge te pomožinel a te ľidžal amare maribena.“ A o manuša pes zmukle pre oda, so phenďa o judsko kraľis Chizkija.

Rimanenge 8:31

Akor so pre oda šaj phenas? Te hin o Del amenca, ko pre amende šaj avel?

Jozua 23:10

O RAJ, tumaro Del, tumen diňa lav, hoj pes korkoro vaš tumenge marela, vašoda jekh tumendar zviťazinela upral o ezeros (1 000) murša.