1. Kronicko 26:20 - Le Devleskero Lav Andre Romaňi Čhib Slovensko 2021

²⁰ Lengre phrala Leviti pes starinenas pal o chramoskre pokladňi the pal o dari, so sas dine prekal o Del.

1. Kronicko 26:20 ပူးပေါင်းရင်းမြစ်များ

1. Kraľengro 14:26

Iľa andral o Chramos le RAJESKRO the andral o palacis savore vzacna veci the o somnakune šťiti, so diňa te kerel o Šalamun.

1. Kraľengro 15:18

Avke o Asa iľa savoro rup the somnakaj, so ačhiľa andro Chramos le RAJESKRO the palacis, a bičhaďa peskre služobňikenca andro Damašek ko aramejiko kraľis Ben-Hadad. Ov sas le Tabrimonoskro čhavo a leskro papus sas o Chezijon. Diňa leske te phenel kala lava:

1. Kraľengro 7:51

Sar o Šalamun dokerďa savori buči pro Chramos le RAJESKRO, anďa ode o sveta veci peskre dadeskre le Davidoskre: o rup, o somnakaj the aver veci a thoďa len andro chramoskre pokladňici.

1. Kronicko 18:11

The ola veci o David pošvecinďa le RAJESKE jekhetane le rupoha the le somnakaha, so iľa avre narodendar: le Edomčanendar, le Moabčanendar, le Amončanendar, le Filišťincendar the le Amalekendar.

1. Kronicko 26:19

Kala sas o partiji le stražňikengre andral le Korachoskre the Merariskre fajti, save stražinenas.

1. Kronicko 26:21

O Ladan, andral le Geršonoskri fajta, sas dad le Jechielioske. But džene andral leskro potomstvos sas vodci andre peskre fajti.

1. Kronicko 26:22

Le Jechieli sas duj čhave: o Zetam the o Joel. On pes starinenas pal o chramoskre pokladňi the skladi.

1. Kronicko 26:24

O Šebuel sas upral savore chramoskre pokladňika. Ov sas andral e fajta le Geršomoskri, savo sas čhavo le Mojžišoskro.

2. Kronicko 8:15

On savoro doľikerde avke, sar prikazinďa o kraľis pal o rašaja, Leviti the skladi.

Ezdraš 2:69

Dojekh lendar anenas andro pokladňi ajci, keci šaj denas pre buči pro Chramos: 500 kili somnakaj, 2 800 kili rup the 100 rašajika ruchi.

Ezdraš 8:28

Phenďom lenge: „Tumen san pošvecimen prekal o RAJ the kala veci a o rup le somnakaha hino sar e obeta le RAJESKE, tumare dadengre Devleske.

Nehemiaš 12:44

Andre oda džives sas ačhade varesave murša, hoj pes te starinen pal o skladi le chramoskre, kaj sas o dari le ešebne uľipnastar the le ďesjatkendar, hoj andre lende te skiden o kotora le uľipnastar prekal o rašaja the Leviti pal o foroskre maľi, avke sar hin pisimen andro zakonos. Savore manuša andre Judsko radisaľonas le rašajengra the le Levitengra bučatar,

Malachijaš 3:10

Anen caľi ďesjatka andro sklados, hoj te el o chaben andre miro kher. Avke man skušinen avri,“ phenel o Nekzoraleder RAJ, „či tumenge na otkerava o oblaki le ňeboskre a na čhivava pre tumende o požehnaňja, medik tumen na ela savorestar pherdo.

4. Mojžišoskro 8:26

Šaj pomožinel avre Levitenge paš o Svetostankos te kerel lengri služba, ale korkoro imar na služinela. Kavke rozďelineha e služba le Levitenge.“