1. Kronicko 23:6 - Le Devleskero Lav Andre Romaňi Čhib Slovensko 2021

⁶ O David le Leviten rozďelinďa pal lengre trin fajti pal le Leviskre čhave: Geršon, Kohat the Merari.

1. Kronicko 23:6 ပူးပေါင်းရင်းမြစ်များ

1. Kronicko 23:7

Le Geršonoskre čhave sas o Ladan the o Šimej.

1. Kronicko 24:1

Le Aronoskre potomki sas rozďelimen andro partiji. Le Aron sas štar čhave: o Nadab, o Abihu, o Eleazar the o Itamar.

1. Kronicko 26:1

O chramoskre stražňika sas rozďelimen andro partiji pal peskri fajta. Andral le Korachoskri fajta sas o Mešelemijah, čhavo le Koreoskro, savo sas čhavo le Asafoskro.

1. Kronicko 28:13

O David diňa leske the o planos, sar o rašaja the o Leviti majinde te el rozďelimen andre služba a sar oda te kerel a sar pes te starinen pal savore veci andro Chramos.

1. Kronicko 6:1

Le Leviskre čhave sas o Geršom, o Kohat the o Merari.

1. Kronicko 6:16

Kalen muršen o David ačhaďa, hoj te služinen le giľavipnaha pro than, kaj lašarenas le RAJES akorestar, sar andro Jeruzalem ande e archa la zmluvakri.

2. Kronicko 23:18

Paľis o Jehojada ačhaďa le Levitengre rašajen upral o Chramos. Bo len o David ačhaďa andre odi služba, hoj te anen o labarde obeti le RAJESKE avke, sar hin pisimen andro zakonos le Mojžišoskro, le radišagoha the giľavipnaha, sar prikazinďa o David.

2. Kronicko 29:25

O Chizkija andro Chramos ačhaďa le Leviten le cimbalmenca, harfenca the citarenca, bo kavke prikazinďa o David, bo o RAJ leske avke vakerelas prekal peskre proroka o Gad the o Natan.

2. Kronicko 31:2

O kraľis Chizkija ačhaďa le rašajen the le Leviten te služinel andro partiji. Lengre službi sas, hoj te keren o labarde the smiromoskre obeti, hoj te paľikeren a hoj te lašaren paš o vudara le RAJESKRE Chramoskre.

2. Kronicko 35:10

Sar savoro sas pripravimen pre Patraďakri oslava, o rašaja the o Leviti ačhenas andro partiji pre peskre thana, sar lenge o kraľis prikazinďa.

2. Kronicko 35:4

Andre chramoskri služba tumen rozďelinen andro partiji pal peskre dadengre fameliji avke, sar pisinďa o izraeliko kraľis David the leskro čhavo Šalamun.

2. Kronicko 8:14

O Šalamun kerďa avke, sar phenďa leskro dad o David. Ačhaďa andre služba partiji rašajen, hoj te keren e služba andro Chramos the le Leviten, hoj te ľidžan o chvali a te pomožinen le rašajenge andre lengri sakodživeseskri buči. A mek ačhaďa the stražňiken andro partiji paš dojekh brana, bo avke oda prikazinďa le Devleskro služobňikos o David.

Ezdraš 6:18

Paľis ačhade andre le chramoskri služba andro Jeruzalem le rašajen the Leviten, avke sar hin pisimen andre le Mojžišoskro zvitkos.

4. Mojžišoskro 3:17

Le Levi sas trin čhave: o Geršon, o Kohat the o Merari.

4. Mojžišoskro 3:3

On sas ačhade a pomazimen andre rašajiko služba.

4. Mojžišoskro 4:4

Lengri služba ela, hoj pes te starinen pal o sveta veci andro Svetostankos.