1. Kraľengro 8:13 - Le Devleskero Lav Andre Romaňi Čhib Slovensko 2021

¹³ Ale me akana prekal tu ačhaďom šukar Chramos, o than, kaj šaj bešes pro furt.“

1. Kraľengro 8:13 ပူးပေါင်းရင်းမြစ်များ

2. Samueloskro 7:13

Ov ačhavela Chramos pre pačiv mire naveske a me zathovava leskro kraľišagos pro furt.

1. Kronicko 17:12

Ov mange ačhavela kher a me kerava, hoj leskro kraľišagos te ačhel pro furt.

1. Kronicko 28:10

Ma bister pre oda, hoj o RAJ peske tut kidňa avri, hoj tu leske te ačhaves o sveto Chramos. Av zoralo a muk tut andre buči!“

1. Kronicko 28:20

Muk tut andre buči a ma dara! Ma dara tut a ma izdra, bo o RAJ o Del, miro Del, ela tuha. Na omukela tut a na odvisarela pes tutar, medik na dokereha savore buča pro Chramos, andre savo paľis le RAJESKE služinena.

1. Kronicko 28:6

Phenďa mange: ‚Tiro čhavo o Šalamun mange ačhavela miro Chramos the mire dvori, bo me mange les kidňom avri, hoj ov te avel miro čhavo, a me avava leskro dad.

2. Kronicko 6:2

Akana prekal tu ačhaďom slavno Chramos, o than, kaj šaj bešes pro furt.“

2. Mojžišoskro 15:17

Tu len doaneha a thoveha te bešel pre tiro verchos; ode, RAJEJA, kaj tuke pripravinďal o than te bešel; o Svetostankos, ó, Adonaj, so zathoďal tire vastenca.

Ezechiel 43:7

Phenďa mange: „Manušeja, kada hin o than mire tronoskro the o than mire pindrengro. Kade dživava maškar o Izraeliti pro furt. O manuša le Izraeloskre aňi lengre kraľa imar šoha na meľarena andre miro sveto nav peskra lubipnaskra modloslužbaha aňi le bare pomňikenca, so ačhaven peskre mule kraľenge.

Ezechiel 43:9

Akana mi preačhen te lašarel avre devlen a mi len het o pomňiki peskre mule kraľengre. Te oda kerena, me dživava maškar lende pro furt.

Matuš 23:21

A oda, ko lel vera pro chramos, lel vera pro chramos the pre Oda, ko andre bešel.

Skutki 6:14

Bo šunďam les te vakerel, hoj oda Ježiš Nazaretsko čhivela tele kada than a čerinela o tradiciji, so amenge diňa o Mojžiš.“

Židenge 9:24

Se o Kristus na geľa andro Sveto than, so sas kerdo le vasteha a hino ča o angluno obrazis le čačeske, ale ov geľa dži andro ňebos, hoj pes akana te sikavel anglo Del vaš amenge.