1. Kraľengro 7:26 - Le Devleskero Lav Andre Romaňi Čhib Slovensko 2021

²⁶ E nadrža sas thuľi 75 miľimetri a lakro upruno falcos dičholas avri sar e phundraďi ľaľija. Rešľolas andre 40 000 ľitri paňi.

1. Kraľengro 7:26 ပူးပေါင်းရင်းမြစ်များ

1. Kraľengro 6:18

O Chramos sas andral obthodo le cedroskre kašteha, so sas avrirandlo le prajtenca the le kvitkenca. Savoro obthode le cedroskre kašteha avke, hoj na dičholas ňisavo bar.

1. Kraľengro 6:32

Pro soduj kridli le vudareskre sas avrirandle o cherubi, o palmi the o kvitki. O vudar, o cherubi the o palmi obthoďa le somnakaha.

1. Kraľengro 6:35

Randľa pre lende avri o cherubi, o palmi the o kvitki a oda obthoďa le igen sane somnakaha.

1. Kraľengro 7:19

O sluposkre kriti sas kerde le brondzostar sar o kvitki ľaľije, so sas uče 180 centimetri.

1. Kraľengro 7:25

E nadrža sas thoďi pro dešuduj (12) brondzune biki, ačhelas pre lengre dume. Trin biki dikhenas pro severos, trin pro zapados, trin pro juhos a trin pro vichodos.

1. Kraľengro 7:27

Mek kerďa deš brondzune vožikici. Dojekh vožikocis sas džinďardo 180 centimetri, buchlo 180 centimetri a učo 130 centimetri.

1. Kraľengro 7:38

Kerďa the deš nadobi le brondzostar – jekh pre dojekh vožikocis. Dojekh nadoba sas buchľi 180 centimetri a rešľolas andre 800 ľitri paňi.

2. Kronicko 4:5

E nadrža sas thuľi 75 miľimetri a lakro upruno falcos dičholas avri sar e phundraďi kvitka ľaľija. Rešľolas andre vaj 60 000 ľitri paňi.

2. Mojžišoskro 25:25

a pašal o skamind kereha ľišta buchľi sar e burňik a pre late o somnakuno pasos.

Jeremijaš 52:21

Soduj slupi sas kerde le brondzostar, sas uče vaj ochto metri a lengro obvod sas pandž the jepaš metri. O slupi sas andral duta a o brondzos, savestar sas kerde sas vaj ochto centimetri.

Ezechiel 45:11

E efa the o batos kamlehas te važinel jednakones. O batos hin jekh ďesaťina le chomeristar a e efa hin jekh ďesaťina le chomeristar. E mira pes lel pal o chomeris.

Ezechiel 45:14

Mušinen te del jekh ľitra olejos andral o šel (100) ľitri. Oda hin jekh ďesaťina le batostar, bo deš bati hin jekh chomeris abo jekh kor.