1. Kraľengro 7:12 - Le Devleskero Lav Andre Romaňi Čhib Slovensko 2021

¹² O muri pašal e palaciskri dvora sas ačhade trine šorendar le barune kvadrendar a pre lende sas jekh šoros le cedroskre hranolendar, avke sar sas ačhaďi e andruňi dvora the e hala andro Chramos le RAJESKRO.

1. Kraľengro 7:12 ပူးပေါင်းရင်းမြစ်များ

1. Kraľengro 6:3

E veranda anglo Chramos sas 450 centimetri džinďarďi a sas buchľi 9 metri – ajci keci o Chramos.

1. Kraľengro 6:36

Paľis ačhaďa o muri pašal e andruňi dvora le barune kvadrendar the le cedroskre kaštestar. Pre dojekh trito baruno šoros thoďa o cedroskre hranoli.

1. Kraľengro 7:11

Upral lende sas bara, so sas mištes prikerde, the o kašta le cedrostar.

1. Kraľengro 7:6

O Šalamun ačhaďa the Slupengri Hala, so sas 22 metri džinďarďi a 1 350 centimetri buchľi. Anglal late sas e slupengri veranda.

2. Kraľengro 21:5

Pro soduj chramoskre dvori ačhaďa oltara prekal savore čercheňa, hoj len te lašaren.

2. Kronicko 4:9

Diňa te ačhavel e andruňi dvora prekal o rašaja the e bari dvora prekal okla manuša. Kerďa o vudara la dvorakre, so obcirdňa le brondzoha.

O Evaňjelium le Janoskro 10:23

A o Ježiš pes predžalas pal o Chramos andre dvora le Šalamunoskri.

Skutki 3:11

Oda manuš phirelas pal o Peter the pal o Jan, a vašoda pes savore manuša zgele ke lende andre bari dvora le Šalamunoskri, bo našťi avenas ke peste.

Skutki 5:12

Prekal o vasta le apoštolengre pes ačhenas maškar o nipi bare ďivi the zazraki. Savore pačabnaskre pes arakhenas jekhetane andre dvora le Šalamunoskri a sas len jekh gondoľišagos.