1. Kraľengro 6:19 - Le Devleskero Lav Andre Romaňi Čhib Slovensko 2021

¹⁹ Andro Chramos sas paluno than, kaj thoďa e archa le RAJESKRA zmluvakri.

1. Kraľengro 6:19 ပူးပေါင်းရင်းမြစ်များ

1. Kraľengro 6:16

Kerďa prička le cedroskre kaštestar 9 metri le palune murostar andro Chramos a avke pal e prička sas o Neksveteder than.

1. Kraľengro 6:18

O Chramos sas andral obthodo le cedroskre kašteha, so sas avrirandlo le prajtenca the le kvitkenca. Savoro obthode le cedroskre kašteha avke, hoj na dičholas ňisavo bar.

1. Kraľengro 6:20

Oda Neksveteder than le Chramoskro sas 9 metri džinďardo, 9 metri buchlo the 9 metri učo a sas obthodo le žuže somnakaha a the o oltaris le cedroskre kaštestar obthoďa le somnakaha.

1. Kraľengro 6:5

Paš o avrune muri pašal o trin seri le Chramoskre docirdňa učo kher trine poschodenca a sas andre the aver khera.

2. Kronicko 4:20

o svietňiki lengre lampenca, hoj te labon anglo Neksveteder than;

2. Kronicko 5:7

Paľis o rašaja ľigende e archa le RAJESKRA zmluvakri andro paluno than andro Chramos, pro Neksveteder than a thode la tel o cherubengre kridli.

Žalmi 28:2

Šun miro pokorno mangipen, sar ke tu vičinav, hoj mange te pomožines, a hazdav mire vasta ke tiro Neksveteder than.