1. Kraľengro 5:17 - Le Devleskero Lav Andre Romaňi Čhib Slovensko 2021

¹⁷ „Džanes, hoj miro dad o David našťi ačhaďa o Chramos pre pačiv le RAJESKE peskre Devleske anglo maribena le narodenca, save bešenas pašal leste, medik leske len o RAJ na thoďa tel o pindre.

1. Kraľengro 5:17 ပူးပေါင်းရင်းမြစ်များ

2. Samueloskro 22:39

Domarďom len avke, hoj našťi ušťenas, pele mange tel o pindre.

2. Samueloskro 7:5

„Dža a phen mire služobňikoske le Davidoske: ‚Kada phenel o RAJ: Tu mange kames te ačhavel kher, hoj te bešav andre?

1. Kraľengro 6:7

O bara sas imar pripravimen andro lomos, a vašoda na šunďolas o čokana, o dlati, aňi ňisave trastune sersami, sar ačhavenas o Chramos.

1. Kraľengro 7:9

Savore palaca, o hali the e bari dvora sas ačhade le nekfeder barune kvadrendar le zakladostar dži e strecha. O bara sas mištes prikerde la pilaha angluňa the paluňa seratar.

1. Kronicko 22:2

O David diňa te vičinel savore cudzincen, save bešenas andro Izrael, a ačhaďa lendar kamenaren, hoj te pripravinen o bara pre buči pro Chramos le Devleskro.

1. Kronicko 22:8

Ale le RAJESKRO lav avľa ke ma: ‚Ľidžahas o bare maribena pre kadi phuv a čhorďal avri igen but rat. Vašoda na ačhaveha o Chramos prekal miro nav, bo čhorďal avri igen but rat.

Izajaš 28:16

Vašoda kavke phenel o RAJ, o Adonaj: „Thovav pro Sion o hlavno bar, o preskušimen bar, igen vzacno, zorales zathodo; oda, ko andre leste pačala, na ladžala pes.