1. Kraľengro 3:9 - Le Devleskero Lav Andre Romaňi Čhib Slovensko 2021

⁹ Mangav tut, de man goďi, sar te ľidžal tire manušen, hoj te sprindžarav, so hin lačho a so nalačho. Bo ko šaj ľidžal kada baro narodos?“

1. Kraľengro 3:9 ပူးပေါင်းရင်းမြစ်များ

2. Samueloskro 14:17

O lav mire rajeskro the kraľiskro mange anel o smirom, bo miro raj the kraľis hino sar le Devleskro aňjelos, savo rozprindžarel o lačho le nalačhestar. O RAJ, tiro Del, mi el tuha.“

1. Kraľengro 10:24

O manuša andral dojekh narodos kamenas te šunel o goďaveripen, so les diňa o Del.

1. Kraľengro 3:10

Le RAJESKE sas pre dzeka, so peske o Šalamun mangľa.

1. Kraľengro 3:28

Sar pes calo Izrael dodžanľa pal oda, so kerďa o Šalamun, denas les bari pačiv, bo dikhle, hoj hin andre leste le Devleskro goďaveripen te rozsudzinel spravodľivones.

1. Kronicko 22:12

Ča mi del tut o RAJ goďaveripen the prindžaripen andre savoreste, sar tut ačhavela upral calo Izrael, hoj te doľikeres o zakonos le RAJESKRO, tire Devleskro.

1. Kronicko 29:19

A ker, hoj miro čhavo o Šalamun te el tuke pačivalo cale jileha a te doľikerel tire prikazaňja, zakoni the sikavibena, a mi kerel savoro, so kampel, hoj te el ačhado o Chramos, prekal savo diňom kala dari.“

2. Kronicko 1:10

Vašoda de man goďaveripen the prindžaripen, hoj te džanav, sar te ľidžal kale manušen. Bo ko šaj ľidžal kada tiro baro narodos?“

Žalmi 119:144

Tire sikavibena hine spravodľiva pro furt, de mange len te achaľol, hoj te dživav.

Žalmi 119:34

De mange te achaľol tiro zakonos, hoj les te doľikerav andral calo miro jilo.

Žalmi 119:73

Tire vastenca man stvorinďal a forminďal, pomožin mange te achaľol a te sikľol tire prikazaňja.

Prislovja 14:8

O goďaver manuš džanel, so te kerel a so na, ale o dilino peha thovel avri, bo peske ča gondoľinel, hoj džanel.

Prislovja 16:16

Te dochudel o goďaveripen hin feder sar o žužo somnakaj a te skidel o achaľuvipen hin buter sar o rup.

Prislovja 20:12

O RAJ amenge kerďa jakha, hoj te dikhas, the o kana, hoj te šunas.

Kazaťeľis 7:11

O goďaveripen, avke sar o ďeďictvos, hin lačhi veca; anel chasna olenge, ko dživen pre phuv.

Kazaťeľis 7:19

O goďaveripen del buter zor le goďaveres sar o deš vodci andro foros.

Jeremijaš 1:6

A me phenďom: „Raja miro, RAJEJA, se me na džanav te vakerel, bo som mek ternoro!“

Jeremijaš 45:5

Tu tuke manges o bare veci! Ma mang tuke len! Bo anava e pohroma pre dojekh manuš, phenel o RAJ, ale tu denašeha a zachraňineha tuke o dživipen všadzik, kaj džaha.‘ “

Daniel 2:21

Ov čerinel o idei the o časi, ačhavel a čhivel tele le kraľen. Del goďi le goďaveren a prindžaripen olen, ko achaľuven.

Matuš 3:11

Me tumen bolav le paňeha, hoj pes te sikavel, hoj tumen visarďan le binendar, ale oda, ko avel pal ma, hino zoraleder sar me. Na som hodno leske mek aňi o sandalki te ľidžal. Ov tumen bolela le Svete Duchoha the la jagaha.

Matuš 3:14

No o Jan leske na kamelas te domukel a phenelas: „Mange kampel, hoj te avav boldo tutar a tu aves pal ma?“

O Evaňjelium le Janoskro 5:30

Me našťi kerav ňič korkoro mandar. Sudzinav avke, sar šunav le Dadestar a miro sudos hino čačipnaskro, bo na rodav miri voľa, ale e voľa Oleskri, ko man bičhaďa.“

2. Korinťanenge 2:16

Prekal jekh oda hin e meribnaskri voňa pro meriben a prekal aver oda hin e dživipnaskri voňa pro dživipen. Ale ko oda šaj kerel?

2. Korinťanenge 3:5

Amen našťi kajso vareso keras korkore pestar, ale amari zor hin le Devlestar.

Efežanenge 5:17

Ma aven nagoďaver, ale achaľon, so tumendar o Raj kamel.

Filipanenge 1:10

a te džanen te rozsudzinel, so hin nekfeder. Modľinav man, hoj te aven žuže the bi o binos andro Džives le Kristoskro

Židenge 5:14

Ale o zoralo chaben hin prekal o dospela, save sikľile oleha, so pregele andro dživipen te rozprindžarel, so hin lačho a so na.

Jakob 1:5

Te varekaske tumendar kampel goďi, mi mangel peske le Devlestar a ela leske diňi. Bo ov del ščirones sakones a na čhivkerel pro jakha.

Jakob 3:17

Ale odi goďi, so avel andral o ňebos, hiňi ešeb žuži, paľis ajsi, so kamel o smirom, kovľi a phundraďi te šunel; hiňi ajsi, so sajinel avres a anel o lačho ovocje, na kerel rozďjel maškar o manuša a nane dujemujengri.