1. Kraľengro 22:39 - Le Devleskero Lav Andre Romaňi Čhib Slovensko 2021

³⁹ Savore aver veci, so o Achab kerďa, the oda, sar o palacis obthoďa la slonovinatar a sar zoraľarďa o fori, hin pisimen andro Zvitkos le izraelike kraľengro.

1. Kraľengro 22:39 ပူးပေါင်းရင်းမြစ်များ

1. Kraľengro 10:18

Paľis o kraľis kerďa igen baro tronos, so sas obthodo la slonovinaha the le žuže somnakaha.

1. Kraľengro 10:22

Le Šalamun sas but loďi pro moros. Sako trin berš len bičhavelas pro moros le Chiramoskre loďenca, hoj te doanen o somnakaj, o rup, e slonovina, le opicen the le paven.

1. Kraľengro 14:19

Savore aver veci, so o Jeroboam kerďa, leskre maribena a sar ľidžalas o kraľišagos, hin pisimen andro Zvitkos le izraelike kraľengro.

1. Kraľengro 15:23

Savore aver veci, so kerďa o kraľis Asa the leskre viťazstva, the sar zoraľarďa o fori, hin pisimen andro Zvitkos le judske kraľengro. Ale ov pro phuripen nasvaľiľa pro pindre.

1. Kraľengro 15:31

Savore aver veci, so kerďa o Nadab, hin pisimen andro Zvitkos le izraelike kraľengro.

1. Kraľengro 16:20

Savore aver veci, so o Zimri kerďa, the oda, sar pes vzburinďa, hin pisimen andro Zvitkos le izraelike kraľengro.

1. Kraľengro 16:27

Savore aver veci, so kerďa o Omri, the leskre viťazstva hin pisimen andro Zvitkos le izraelike kraľengro.

1. Kraľengro 16:5

Savore aver veci, so kerďa o Baaša, the leskre viťazstva, hin pisimen andro Zvitkos le izraelike kraľengro.

1. Kraľengro 22:40

Sar o Achab muľa, pal leste ačhiľa kraľiske leskro čhavo o Achazijah.

2. Kraľengro 1:18

Savore aver veci, so kerďa o Achazijah, hin pisimen andro Zvitkos le izraelike kraľengro.

2. Kraľengro 15:15

Savore aver veci, so kerďa o Šalum, the sar kerďa e vzbura, hin pisimen andro Zvitkos le izraelike kraľengro.

Žalmi 45:8

Zakamľal tut andro spravodľišagos a našťi avri ačhes o nalačhipen, vašoda tut o Del, tiro Del, pomazinďa le olejoha pro radišagos buter sar olen, ko hine tuha.

Ezechiel 27:15

O manuša andral o Rodos tutar cinavkerenas a o nipi andral o but fori pašal o moros anenas e slonovina the o kašta le ebenostar, hoj tuha te čerinen vaš tiro tovaris.

Ezechiel 27:6

O vesla tuke kerde le dubendar andral o Bašan, tiri paluba kerde le borovicendar andral o Ciprus a šukaľarde la slonovinaha.

Amos 3:15

Čhivava tele lengre jevendeskre the ňilajeskre khera; lengre khera obthode la slonovinatar rozperena; lengre bare khera ena zňičimen,“ phenel o RAJ.

Amos 6:4

Pašľon tumenge pro hadži la slonovinatar, rozvaľinen tumen pre tumare divani a chan le nekfeder bakroren andral o stados the le gurumňoren andral o maštalňi.