1. Kraľengro 21:24 - Le Devleskero Lav Andre Romaňi Čhib Slovensko 2021

²⁴ A te vareko andral le Achaboskri famelija merela andro foros, chana les o rikone, a te leske vareko merela pre maľa, chana les o supi.“

1. Kraľengro 21:24 ပူးပေါင်းရင်းမြစ်များ

1. Kraľengro 14:11

Te vareko tira famelijatar merela andro foros, chana len o rikone a olen, save merena pre maľa, chana o čirikle. Bo o RAJ oda phenďa.‘ “

1. Kraľengro 16:4

Te vareko le Baašaskra famelijatar merela andro foros, chana les o rikone, a te merela vareko pre maľa, chana les o čirikle.“

2. Kraľengro 9:25

Paľis o Jehu phenďa peskre veľiťeľiske le Bidkariske: „Le les a čhiv les pre maľa le Nabotoskri andral o Jezreel. Leper tuke oda, so šunďam, sar džahas duj džene pro verdan pal leskro dad Achab. O RAJ pal leste kavke phenďa:

Izajaš 14:19

ale tu sal čhido avri andral tiro hrobos sar o kirno konaris! Sal začhido olenca, ko sas murdarde a predemade la šabľaha; olenca, ko džan tele andre baruňi chev sar o ťelos, pre savo pes uštarel.

Jeremijaš 15:3

Štar veci pre tumende anava,“ phenel o RAJ, „e šabľa, hoj te murdarel, le rikonen, hoj te čhingeren, le čiriklen a the le dzive džviren, hoj te chan a te ňičinen.

Jeremijaš 22:19

Parunena les sar le somaris, cirdena les avri a čhivena het pal o brani le Jeruzalemoskre.“

Zjaveňje 19:18

Aven te chal o ťela le kraľengre, le generalengre, le rajengre, le grajengre the lengre jazdcengre, the o ťela savore slobodnengre the le otrokengre, le ciknengre the le barengre!“