1. Kraľengro 2:19 - Le Devleskero Lav Andre Romaňi Čhib Slovensko 2021

¹⁹ Paľis, sar avľa e Batšeba ko Šalamun te privakerel pes vaš o Adonijah, o Šalamun ušťiľa pal o tronos a banďiľa angle late. Avke bešľa pale pro tronos a thoďa the la te bešel pro tronos pal peskri čači sera.

1. Kraľengro 2:19 ပူးပေါင်းရင်းမြစ်များ

1. Mojžišoskro 48:12

O Jozef iľa peskre čhaven tele pal o pindre le Jakoboskre a banďiľa le mujeha dži pre phuv.

1. Kraľengro 15:13

The peskra baba la kraľovna Maacha čhiďa tele pal o tronos, bo kerďa la Ašerake slupos. O Asa les čhinďa tele a labarďa andre dolina Kidron.

1. Kraľengro 2:18

„Mištes,“ odphenďa leske e Batšeba, „privakerava man vaš tu ko kraľis.“

Žalmi 110:1

O RAJ phenďa mire Rajeske: „Beš tuke pal miri čači sera, medik tuke na thovava tire ňeprijaťeľen tel o pindre.“

Žalmi 45:9

Savore tire gada voňinen pal e mirha, pal o aloe the pal e kasija; andral o palacis obthodo la slonovinatar tuke o lavutara bašaven.

2. Mojžišoskro 20:12

De pačiv tira da the tire dades, hoj but te džives andre odi phuv, so tuke dela o RAJ, tiro Del!

3. Mojžišoskro 19:3

Sako mi del pačiv peskra da the dades. Doľikeren mire šabatoskre dživesa. Me som o RAJ, tumaro Del.

3. Mojžišoskro 19:32

Den pačiv olen, kaske hin buter berša. Ušťen upre anglo manuša, saven hin šiva bala, a daran tumen tumare Devlestar. Me som o RAJ.

Matuš 25:33

A thovela le bakroren pal peskri čači sera a le capen pal oki sera.