1. Kraľengro 13:24 - Le Devleskero Lav Andre Romaňi Čhib Slovensko 2021

²⁴ Avke, sar odarik le Devleskro prorokos geľa het, arakhľa pes le ľevoha pro drom. O ľevos pre leste chučiľa a murdarďa les. Paľis o somaris the o ľevos ačhenas paš leskro ťelos, so pašľolas pro drom.

1. Kraľengro 13:24 ပူးပေါင်းရင်းမြစ်များ

1. Kraľengro 13:23

Sar le Devleskro prorokos chaľa a piľa, o phuro prorokos leske pripravinďa le somaris pro drom.

1. Kraľengro 20:36

Avke oda prorokos leske phenďa: „Sar mandar oddžaha het, o ľevos tut murdarela, bo na šunďal le RAJES!“ Sar lestar oda dženo geľa het, o ľevos pre leste chučiľa a murdarďa les.

2. Kraľengro 2:24

Avke o Elizeus visaľiľa, a sar len dikhľa, vičinďa pre lende tele le RAJESKRO sudos. Androda avle avri andral o veš duj medveďici a murdarde saranda the duj (42) čhaven.

Prislovja 22:13

O leňivo phenel: „Avri hino o ľevos! Murdarela man pro pľacos!“

Prislovja 26:13

O leňivo phenel: „O ľevos hino avri pro drom – o ľevos maškar o foros!“

Amos 5:19

Ela oda avke, sar te vareko denašľahas le ľevoske a arakhľahas pes le medvedziha! Abo te avľahas khere a oprinďahas pes pre fala a danderďahas les o sap!

4. Mojžišoskro 22:33

Ale o somaris man dikhľa a trival pes mandar visarďa. Te pes mandar na visarďahas, murdarďomas tut a les mukľomas te dživel.“