1. Kraľengro 11:27 - Le Devleskero Lav Andre Romaňi Čhib Slovensko 2021

²⁷ Oda pes ačhiľa, sar o Šalamun kerďa e terasa a prikerďa o foroskre muri.

1. Kraľengro 11:27 ပူးပေါင်းရင်းမြစ်များ

2. Samueloskro 20:21

Nane oda avke. Ale le Bichriskro čhavo o Šebas, savo hino andral o verchi le Efrajimoskre, pes vzburinďa pro kraľis David. Den mange les a me džava het andral o foros.“ „Mištes, leskro šero tuke prečhivava prekal o muros,“ phenďa e džuvľi le Joaboske.

2. Samueloskro 5:7

Ale o David zaiľa o ohradzimen foros Sion; oda akana hin o Foros le Davidoskro.

1. Kraľengro 9:15

O Šalamun ispidelas pro manuša, hoj te keren e buči sar otroka pro Chramos le RAJESKRO the pre leskro palacis, pre terasa pašal o foros the pro muri pašal o Jeruzalem, Chacor, Megido the Gezer.

1. Kraľengro 9:24

Sar leskri romňi, le faraonoskri čhaj, odgeľa upre andral o Foros le Davidoskro, hoj te bešel andre peskro palacis, so lake ačhaďa o Šalamun, ov chudňa te kerel e terasa pašal o foros.

2. Kraľengro 12:20

Savore aver veci, so kerďa o Joaš, hin pisimen andro Zvitkos le judske kraľengro.

Nehemiaš 4:7

Vašoda diňom le manušen šabľi, kopiji the luki a ačhaďom len paš o muros, hoj te stražinen peskre famelijen pre ola thana, kaj mek na sas o muros dokerdo.

Žalmi 60:2

sar pes marelas le Aramejčanenca andral o Naharajim the andral e Coba, sar pes o Joab visarďa pale a domarďa dešuduj ezera (12 000) Edomčanen andre Lonďi dolina.

Prislovja 30:32

Te kerďal o diliňipen oleha, hoj tut ašarehas, a te gondoľinehas pro nalačho, dander tuke andre čhib!

Izajaš 22:9

Tumen dikhľan, hoj andro muri andro foros le Davidoskro hin pherdo cheva; skidenas tumenge o paňi andro Teluno Ribňikos.

Izajaš 26:11

RAJEJA, tiro vast hino uprehazdlo, ale on oda na dikhen. De lenge te dikhel, hoj tu igen rušes vaš tire manuša, a ker lenge ladž, de, hoj e jag te chal tire ňeprijaťeľen.

Ezechiel 13:5

Na gele upre paš o cheva andro muros, hoj les te prikeren prekal o manuša le Izraeloskre, hoj oda muros te ačhel zorales andro mariben andro džives le RAJESKRO.

Amos 9:11

„Andre oda džives pale ačhavava o rozpelo stankos le Davidoskro; zakerava andre leskre cheva a ačhavava les pale upre. Vibudinava les avke, sar sas varekana,