1. Kraľengro 10:21 - Le Devleskero Lav Andre Romaňi Čhib Slovensko 2021

²¹ Savore kuča, andral save pijelas o Šalamun, sas kerde le somnakastar a savore veci andro Kher le libanoňike vešeskro sas kerde le žuže somnakastar. Ňič na sas kerdo le rupestar, bo andre oda časos o rup prekal lende na sas vzacno.

1. Kraľengro 10:21 ပူးပေါင်းရင်းမြစ်များ

1. Kraľengro 10:17

Paľis mek kerďa trin šel (300) cikneder šťiti le somnakastar. Pre jekh šťitos leske kampelas vaj duj kili somnakaj. Avke o Šalamun len thoďa andro Kher le libanoňike vešeskro.

1. Kraľengro 10:20

a pro garadiči ačhenas pal o soduj seri ľevi – jekhetane dešuduj (12) ľevi. Ajso tronos na sas ňikhaj andre ňisavo kraľišagos.

1. Kraľengro 10:22

Le Šalamun sas but loďi pro moros. Sako trin berš len bičhavelas pro moros le Chiramoskre loďenca, hoj te doanen o somnakaj, o rup, e slonovina, le opicen the le paven.

1. Kraľengro 7:2

Ačhaďa bari hala, so pes vičinelas o Kher le libanoňike vešeskro. Sas 44 metri džinďardo, 22 metri buchlo a 1 350 centimetri učo. Le cedrostar ačhaďa trin šori slupi po dešupandž (15). Sas jekhetane 45 slupi, so ľikerenas le cedroskre hredi. O stropos upral o hredi sas le cedroskre kaštestar.

Ester 1:7

O moľa pes davkerenas andro somnakune kuča. Dojekh ole kučendar sas aver a e kraľiskri mol sas igen but, bo o kraľis sas igen sčiro.

O Job 28:1

„Hin baňi, kaj pes rodel o rup, a hin thana, kaj pes prežužarel o somnakaj.

Zacharijaš 9:3

O Tir peske ačhaďa ohradzimen foros, skidňa peske upre rup sar prachos a somnakaj sar čik pro uľici.

5. Mojžišoskro 17:17

Našťi peske skidel but romňijen, bo aleha pes visarela le RAJESTAR; aňi peske našťi skidel but rup abo somnakaj.