1. Kraľengro 1:53 - Le Devleskero Lav Andre Romaňi Čhib Slovensko 2021

⁵³ Avke les o Šalamun diňa te ľidžal het pašal o oltaris. Sar paľis o Adonijah avľa te banďol anglo kraľis, o Šalamun leske phenďa: „Dža khere.“

1. Kraľengro 1:53 ပူးပေါင်းရင်းမြစ်များ

2. Samueloskro 1:2

Pro trito džives avľa ko David jekh murš andral le Sauloskro taboris. Leskre gada sas čhingerde a pro šero les sas o prachos. Sar avľa ko David, peľa pro khoča anglal leste.

2. Samueloskro 14:24

O kraľis phenďa le Joaboske: „Mi džal andre peskro kher, no pro jakha pes mange te na sikavel.“ Avke o Absolon geľa andre peskro kher, ale le kraľis na dikhľa.

2. Samueloskro 14:28

O Absolon bešelas andro Jeruzalem imar duj berš, ale le David mek na dikhľa.

2. Samueloskro 14:33

Paľis o Joab geľa ko David a phenďa leske savoro. Avke o David vičinďa ke peste le Absolon a o Absolon avľa ko David. Sar avľa, banďiľa anglal o kraľis le mujeha dži pre phuv a o kraľis čumidľa le Absolon.

1. Kraľengro 1:16

E Batšeba banďiľa dži tele a pozdravinďa le kraľis. O kraľis latar phučľa: „So kames?“

1. Kraľengro 1:31

Akor e Batšeba banďiľa le mujeha dži pre phuv, diňa le David pačiv a zvičinďa: „Mi dživel miro raj the kraľis o David pro furt!“

1. Kraľengro 1:52

O Šalamun odphenďa: „Te pes ľikerela pačivalones, aňi bal pal o šero leske na perela. Ale te man dodžanava, hoj vareso nalačho kerďa, merela!“

1. Kraľengro 2:1

Sar o David džanelas, hoj leskro meriben hino pašes, prikazinďa peskre čhaske le Šalamunoske kada:

1. Kraľengro 2:36

Paľis o Šalamun diňa te vičinel ke peste le Šimej a phenďa leske: „Ačhav tuke kher andro Jeruzalem, beš ode a ňikhaj odarik ma dža!

Prislovja 24:21

Čhavo miro, dara tut le Devlestar the le kraľistar, a ma ľiker tut olenca, ko pre lende džan,