1. Korinťanenge 9:3 - Le Devleskero Lav Andre Romaňi Čhib Slovensko 2021

³ Sar man o manuša sudzinen, me lenge phenav kada:

1. Korinťanenge 9:3 ပူးပေါင်းရင်းမြစ်များ

Лукастар 12:11

Sar tumen ľidžana andro sinagogi, anglo vladara the anglo bare raja, ma starinen tumen, sar tumen braňinena abo so vakerena.

Skutki 22:1

A o Pavol phenďa: „Muršale, phralale the dadale! Šunen akana, so me pre oda phenav.“

Skutki 25:16

Me lenge phenďom, hoj o Rimana našťi den le bertenošis andro vasta olenge, ko les obviňinen, medik les anglal lende na šunen avri, hoj pes te šaj braňinel oleske, so pre leste vakeren.

1. Korinťanenge 14:37

Te peske vareko gondoľinel, hoj hino prorokos, abo hino obdarimen le Duchostar, ta mi džanel, hoj oda, so tumenge pisinav, hin o prikazis le Rajeskro.

1. Korinťanenge 9:2

Te na som apoštolos avrenge, no tumenge som. Se tumen san e pečať, savi sikavel pre ma, hoj som apoštolos andro Raj.

1. Korinťanenge 9:4

Či nane man pravos, hoj man te den o chaben the o pijiben vaš miri buči?

2. Korinťanenge 13:10

Kada tumenge pisinav, sar mek na som tumenca, hoj te na mušinav te avel prisno pre tumende, sar avava. Bo o Raj man na diňa autorita pre oda, hoj tumen te burinav, ale hoj tumen te budinav.

2. Korinťanenge 13:3

Se tumen kamen te dikhel, či čačes prekal mande vakerel o Kristus, savo nane slabo ke tumende, ale hino zoralo maškar tumende.

2. Korinťanenge 13:5

Korkore tumen skušinen avri, či dživen andro pačaben abo na; phučen oda korkore tumendar. Či na prindžaren pre tumende, hoj o Kristus dživel andre tumende? Te na, oda vašoda, bo na obačhiľan andre skuška.

Filipanenge 1:17

no aver džene kazinen pal o Kristus, bo kamen pes te ispidel anglal a na keren oda žužes, bo peske gondoľinen, hoj mange kerena buter pharipen andre bertena.

Filipanenge 1:7

Me mange oda šaj gondoľinav pal tumende savorende. Se tumen mange san andro jilo, bo savoren tumen hin o kotor manca pre milosť le Devleskri, či akana, sar som andre bertena, abo akor, sar braňinahas a zoraľarahas o evaňjelium.

2. Timoteoske 4:16

Sar ešebnovar ačhavas pro sudos vaš mange, na sas ňiko manca, ale savore man omukle. Te na pes lenge oda rachinel.