1. Korinťanenge 9:20 - Le Devleskero Lav Andre Romaňi Čhib Slovensko 2021

²⁰ Prekal o Židi ačhiľom sar Židos, hoj te dochudav le Židen. Prekal ola, ko hine tel o zakonos, ačhiľom, sar te uľomas the me tel o zakonos – kajte na som tel o zakonos –, hoj te dochudav olen, ko hine tel o zakonos.

1. Korinťanenge 9:20 ပူးပေါင်းရင်းမြစ်များ

Skutki 16:3

O Pavol kamľa, hoj leha te džal pro drom. Avke les obrezinďa anglo Židi, so ode bešenas, bo sako džanelas, hoj leskro dad sas Grekos.

Skutki 18:18

O Pavol ode ačhiľa mek but dživesa a paľis pes rozgeľa le phralenca. Geľa la loďaha andre Sirija a geľa leha e Priscilla the o Akvilas. Andre Kenchrea peske diňa te strihinel o bala, bo diňa ajso lav.

Rimanenge 11:14

A talam šaj kerava oda, hoj mire ťeloskre phrala te žjarlinen, a oleha šaj zachraňinava varekas lendar.

Rimanenge 3:19

Amen džanas, hoj oda, so hin phendo andro zakonos, hin phendo prekal ola, kas hin o zakonos, hoj pes te phandel andre dojekh muj a calo svetos te avel binošno anglo Del.

Galaťanenge 2:19

Bo me prekal o zakonos muľom le zakonoske, hoj te dživav le Devleske. Som ukrižimen jekhetane le Kristoha.

Galaťanenge 4:21

Phenen mange tumen, ko kamen te avel tel o zakonos: Na šunen, so vakerel o zakonos?

Galaťanenge 4:5

hoj te cinel avri olen, ko sas tel o zakonos, hoj amen te ačhas o čhave le Devleskre.

Galaťanenge 5:18

Ale te tumen ľidžal o Duchos, na san tel o zakonos.